ನವದೆಹಲಿ: ವಂಶಾಡಳಿತ ಆಧಾರಿತ ಪಕ್ಷಗಳ ನಾಶಕ್ಕೆ ಯುವಕರು ಕೈಜೋಡಿಸಬೇಕು. ಆಗ ಅರ್ಹತೆಯ ಆಧಾರದ ಮೇಲೆ ರಾಜಕೀಯದಲ್ಲಿ ಹೊರಹೊಮ್ಮಲು ಯುವಕರಿಗೆ ಒಂದು ಅವಕಾಶ ಸಿಗುತ್ತದೆ ಎಂದು ಬಿಜೆಪಿ ಸಂಸದ ತೇಜಸ್ವಿ ಸೂರ್ಯ ಹೇಳಿದ್ದಾರೆ.
ರಾಷ್ಟ್ರ ರಾಜಧಾನಿಯಲ್ಲಿ ಆಯೋಜಿಸಲಾದ 'ಕಲಾ-ಸಂಸ್ಕೃತಿ ಮಹೋತ್ಸವ'ದ ಅಂಗವಾಗಿ ಆಯೋಜಿಸಲಾಗಿದ್ದ ಚರ್ಚಾ ಅಧಿವೇಶನದಲ್ಲಿ ಬೆಂಗಳೂರು ದಕ್ಷಿಣ ಲೋಕಸಭೆ ಸದಸ್ಯ ಸೂರ್ಯ ಭಾಗವಹಿಸಿದರು.
ಶಿವಸೇನೆ ಮತ್ತು ಕಾಂಗ್ರೆಸ್‌ನಂತಹ ಪಕ್ಷಗಳನ್ನು ಉಲ್ಲೇಖಿಸಿದ ಅವರು, ವಂಶಾಡಳಿತ ರಾಜಕೀಯ ಕೊನೆಗೊಂಡರೆ ಭಾರತೀಯ ಪ್ರಜಾಪ್ರಭುತ್ವಕ್ಕೆ ಪ್ರಯೋಜನವಾಗುತ್ತದೆ ಎಂದು ಹೇಳಿದರು.
ವಂಶಾಡಳಿತ ಆಧಾರಿತ ಪಕ್ಷಗಳನ್ನು ತೊಡೆದುಹಾಕುವ ಗುರಿಯಲ್ಲಿ ಯುವಕರು ಕೈಜೋಡಿಸಬೇಕು. ರಾಜಕೀಯ ಮತ್ತು ರಾಜಕೀಯ ಪಕ್ಷಗಳನ್ನು ಕುಟುಂಬದ ಪಿತಾಮಹಗಳಂತೆ ಪರಿಗಣಿಸುವ ಎಲ್ಲಾ ರಾಜಕೀಯ ಪಕ್ಷಗಳ ವಿರುದ್ಧ ಅಭಿಯಾನವನ್ನು ಪ್ರಾರಂಭಿಸಬೇಕು ಎಂದರು.
ಶಿವಸೇನೆ ನಿಜವಾಗಿಯೂ ಪ್ರಜಾಪ್ರಭುತ್ವವಾದಾಗ ಹೆಚ್ಚು ಜನರು ಪಕ್ಷಕ್ಕೆ ಸೇರಲು ಪ್ರಾರಂಭಿಸುತ್ತಾರೆ. ಅವರು ನಾಯಕರಾಗುವ ಸಾಧ್ಯತೆಗಳು ಹೆಚ್ಚಾಗುತ್ತವೆ ಏಕೆಂದರೆ ಅವರು ಆದಿತ್ಯ ಠಾಕ್ರೆಗಿಂತ ಹೆಚ್ಚು ಸಾಮರ್ಥ್ಯ ಮತ್ತು ಶ್ರಮವನ್ನು ಹೊಂದಿರುತ್ತಾರೆ. ಕೆಳಗಿನಿಂದ ಎದ್ದು ನಾಯಕರಾಗಬಹುದು ಎಂದರು.
ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ ಬಿಜೆಪಿ ಸಂಸದರು, 'ಪಕ್ಷಕ್ಕೆ ಸಮರ್ಥ ಹಾಗೂ ನಿಷ್ಠರಾಗಿರುವ ಯುವಕರಿಗೆ ನಾಯಕತ್ವ ನೀಡಬೇಕು ಎಂದು ಕಾಂಗ್ರೆಸ್ ನಾಳೆ ನಿರ್ಧರಿಸಿದರೆ... ರಾಹುಲ್ ಗಾಂಧಿಯವರ ವಿಚಾರಗಳನ್ನು ಪಕ್ಷ ಎಲ್ಲರ ಕೊರಳಿಗೆ ಕಟ್ಟುವುದಿಲ್ಲ. 'ಪ್ರಜಾಪ್ರಭುತ್ವವು ಇದರಿಂದ ಪ್ರಯೋಜನ ಪಡೆಯುತ್ತದೆ ಎಂದು ನಾನು ನಂಬುತ್ತೇನೆ ಎಂದರು.