ನವದೆಹಲಿ: ನಾಸಾ-ಇಸ್ರೋ ಸಿಂಥೆಟಿಕ್ ಅಪರ್ಚರ್ ರಾಡಾರ್ (ಎನ್ಐಎಸ್ಎಆರ್) ಭೂಮಿಯ ವೀಕ್ಷಣಾ ಉಪಗ್ರಹ ಸಂಶೋಧಕರಿಗೆ ಭೂಮಿಯ ಅರಣ್ಯ ಹಾಗೂ ಜೌಗು ಪ್ರದೇಶಗಳ ಪರಿಸರ ವ್ಯವಸ್ಥೆಗಳಲ್ಲಿನ ಬದಲಾವಣೆಗಳು ಜಾಗತಿಕ ಇಂಗಾಲದ ಚಕ್ರ ಮತ್ತು ಹವಾಮಾನ ಬದಲಾವಣೆಯ ಮೇಲೆ ಪ್ರಭಾವ ಬೀರುತ್ತದೆ ಎಂಬುದನ್ನು ಅರಿಯುವುದಕ್ಕೆ ಸಹಾಯ ಮಾಡಲಿದೆ.
ಈ ಉಪಗ್ರಹ ಯೋಜನೆ ಅಮೇರಿಕಾ ಬಾಹ್ಯಾಕಾಶ ಸಂಸ್ಥೆ ನಾಸಾ ಹಾಗೂ ಇಸ್ರೋದ ಸಹಯೋಗದ್ದಾಗಿದೆ.
ಇದು 2024 ರ ಆರಂಭದಲ್ಲಿ ಉಡಾವಣೆಯಾಗಲಿದ್ದು, NISAR ರಾಡಾರ್ ಉಪಗ್ರಹ ಮಿಷನ್ ಎರಡು ರೀತಿಯ ಪರಿಸರ ವ್ಯವಸ್ಥೆಗಳ ಬಗ್ಗೆ ವಿವರವಾದ ಒಳನೋಟಗಳನ್ನು ನೀಡುತ್ತದೆ. ಅರಣ್ಯಗಳು ಮತ್ತು ಜೌಗು ಪ್ರದೇಶಗಳು ಜಾಗತಿಕ ಹವಾಮಾನ ಬದಲಾವಣೆಗೆ ಕಾರಣವಾಗುವ ವಾತಾವರಣದಲ್ಲಿನ ಹಸಿರುಮನೆ ಅನಿಲಗಳನ್ನು ನೈಸರ್ಗಿಕವಾಗಿ ನಿಯಂತ್ರಿಸಲು ಪ್ರಮುಖವಾಗಿದೆ ಎಂದು ನಾಸಾದ ಜೆಟ್ ಪ್ರೊಪಲ್ಷನ್ ಲ್ಯಾಬೊರೇಟರಿ (JPL) ಹೇಳಿದೆ.
ಕಕ್ಷೆಯಲ್ಲಿದ್ದಾಗ, ಎನ್ ಐಎಸ್ಎಆರ್ ನ ಅತ್ಯಾಧುನಿಕ ರೇಡಾರ್ ವ್ಯವಸ್ಥೆಗಳು ಭೂಮಿಯ ಬಹುತೇಕ ಎಲ್ಲಾ ಭೂಮಿ ಮತ್ತು ಹಿಮದ ಮೇಲ್ಮೈಗಳನ್ನು ಪ್ರತಿ 12 ದಿನಗಳಿಗೊಮ್ಮೆ ಎರಡು ಬಾರಿ ಸ್ಕ್ಯಾನ್ ಮಾಡುತ್ತದೆ ಎಂದು ಜೆಪಿಎಲ್ ಹೇಳಿದೆ.
"ಇದು ಸಂಗ್ರಹಿಸುವ ಡೇಟಾವು ಸಂಶೋಧಕರಿಗೆ ಇಂಗಾಲದ ಸೆರೆಹಿಡಿಯುವಿಕೆ ಮತ್ತು ಬಿಡುಗಡೆಗೆ ಸಂಬಂಧಿಸಿದ ಎರಡೂ ಪರಿಸರ ವ್ಯವಸ್ಥೆಯ ಪ್ರಕಾರಗಳ ಪ್ರಮುಖ ಕಾರ್ಯಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ.
"ಕಾಡುಳು ಮರಗಳಲ್ಲಿ ಇಂಗಾಲವನ್ನು ಹಿಡಿದಿಟ್ಟುಕೊಳ್ಳುತ್ತವೆ; ಜೌಗು ಪ್ರದೇಶಗಳು ತಮ್ಮ ಸಾವಯವ ಮಣ್ಣಿನ ಪದರಗಳಲ್ಲಿ ಅದನ್ನು ಸಂಗ್ರಹಿಸುತ್ತವೆ ಎಂದು ಜೆಪಿಎಲ್ ಹೇಳಿದೆ. ಕ್ರಮೇಣ ಅಥವಾ ಹಠಾತ್ ಆಗಿರಲಿ, ಎರಡೂ ವ್ಯವಸ್ಥೆಯಲ್ಲಿನ ಏರುಪೇರುಗಳು ಅಥವಾ ಅಡ್ಡಿ ವಾತಾವರಣಕ್ಕೆ ಇಂಗಾಲದ ಡೈಆಕ್ಸೈಡ್ ಮತ್ತು ಮೀಥೇನ್ ಬಿಡುಗಡೆಯನ್ನು ವೇಗಗೊಳಿಸುತ್ತದೆ.
ಜಾಗತಿಕ ಮಟ್ಟದಲ್ಲಿ ಈ ಭೂ-ಹೊದಿಕೆಯ ಬದಲಾವಣೆಗಳನ್ನು ಪತ್ತೆಹಚ್ಚುವುದರಿಂದ ಸಂಶೋಧಕರು ಇಂಗಾಲದ ಚಕ್ರದ ಮೇಲಿನ ಪರಿಣಾಮಗಳನ್ನು ಅಧ್ಯಯನ ಮಾಡಲು ಸಹಾಯ ಮಾಡುತ್ತದೆ.
"NISAR ನಲ್ಲಿನ ರಾಡಾರ್ ತಂತ್ರಜ್ಞಾನವು ಸ್ಥಳ ಮತ್ತು ಸಮಯದಲ್ಲಿ ಗ್ರಹದ ವ್ಯಾಪಕ ದೃಷ್ಟಿಕೋನವನ್ನು ಪಡೆಯಲು ನಮಗೆ ಅನುವು ಮಾಡಿಕೊಡುತ್ತದೆ, "ಇದು ಭೂಮಿಯ ಭೂ ಪ್ರದೇಶ ಮತ್ತು ಮಂಜುಗಡ್ಡೆಯ ಪ್ರದೇಶಗಳು ಹೇಗೆ ಬದಲಾಗುತ್ತಿದೆ ಎಂಬುದರ ಬಗ್ಗೆ ವಿಶ್ವಾಸಾರ್ಹ ಮಾಹಿತಿಯನ್ನು ಒದಗಿಸುತ್ತದೆ ಎಂದು ದಕ್ಷಿಣ ಕ್ಯಾಲಿಫೋರ್ನಿಯಾದ NASA ನ JPL ನಲ್ಲಿ ಎನ್ಐಎಸ್ಎಆರ್ ಯೋಜನಾ ವಿಜ್ಞಾನಿ ಪಾಲ್ ರೋಸೆನ್ ಹೇಳಿದ್ದಾರೆ.
ಈ ಯೋಜನೆಯ ಮೂಲಕ ಇದೇ ಮೊದಲ ಬಾರಿಗೆ ನಾಸಾ ಹಾಗೂ ಇಸ್ರೋ ಸಮ ಪ್ರಮಾಣದ ಸಹಯೋಗ ಹೊಂದಿವೆ.