ಮುಂಬೈ: ಕೊರೋನಾ ಬಳಿಕ ಆತಂಕ ಮೂಡಿಸಿರುವ ಮಂಕಿಪಾಕ್ಸ್ ಅಥವಾ Mpox ಗೆ ಸೆರಮ್ ಸಂಸ್ಥೆ ಲಸಿಕೆ ಅಭಿವೃದ್ಧಿಪಡಿಸುತ್ತಿದೆ. ಒಂದು ವರ್ಷದ ಅವಧಿಯಲ್ಲಿ ಲಸಿಕೆಗೆ ಸಂಬಂಧಿಸಿದಂತೆ ಸಕಾರಾತ್ಮಕ ಸುದ್ದಿ ಲಭ್ಯವಾಗಲಿದೆ ಎಂದು ಸೆರಮ್ ಸಂಸ್ಥೆ ತಿಳಿಸಿದೆ.

ಆ.14 ರಂದು ವಿಶ್ವ ಆರೋಗ್ಯ ಸಂಸ್ಥೆ Mpox ನ್ನು ಅಂತಾರಾಷ್ಟ್ರೀಯವಾಗಿ ಸಾರ್ವಜನಿಕ ಆರೋಗ್ಯ ತುರ್ತು ಕಾಳಜಿ ಎಂದು ಘೋಷಿಸಿದೆ. ಆಫ್ರಿಕಾದ ಹಲವು ಭಾಗಗಳಲ್ಲಿ ಎಂಪಾಕ್ಸ್ ಪ್ರಕರಣಗಳಲ್ಲಿ ತೀವ್ರ ಏರಿಕೆಯಾಗಿರುವುದರಿಂದ Mpox ಬಗ್ಗೆ ಆತಂಕ ಮೂಡಿದೆ. ಭಾರತದಲ್ಲಿ, 2022 ರಿಂದ ಸುಮಾರು 30 Mpox ಪ್ರಕರಣಗಳು ಪತ್ತೆಯಾಗಿವೆ. ದೇಶದಲ್ಲಿ ಇತ್ತೀಚಿನ ಪ್ರಕರಣ ಮಾರ್ಚ್ 2024 ರಲ್ಲಿ ವರದಿಯಾಗಿದೆ.

"ಎಂಪಾಕ್ಸ್ ನ್ನು ಏಕಾಏಕಿ ಘೋಷಿಸಲಾದ ಜಾಗತಿಕ ಆರೋಗ್ಯ ತುರ್ತುಸ್ಥಿತಿಯ ದೃಷ್ಟಿಯಿಂದ, ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ಪ್ರಸ್ತುತ ಈ ರೋಗಕ್ಕೆ ಲಸಿಕೆಯನ್ನು ಅಭಿವೃದ್ಧಿಪಡಿಸುವ ಕೆಲಸ ಮಾಡುತ್ತಿದೆ, ಇದರಿಂಡ ಅಪಾಯದಲ್ಲಿರುವ ಲಕ್ಷಾಂತರ ಜೀವಗಳಿಗೆ ಪೂರೈಕೆಯಾಗುತ್ತದೆ" ಎಂದು ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಿಇಒ ಆದರ್ ಪೂನಾವಾಲಾ ಹೇಳಿದರು.

ಆಶಾದಾಯಕವಾಗಿ, ನಡೆಯುತ್ತಿರುವ ಪ್ರಗತಿಯೊಂದಿಗೆ, ಪುಣೆ ಮೂಲದ ಲಸಿಕೆ ಸಂಸ್ಥೆ ಒಂದು ವರ್ಷದ ಅವಧಿಯಲ್ಲಿ ಹಂಚಿಕೊಳ್ಳಲು ಸಕಾರಾತ್ಮಕ ಸುದ್ದಿಗಳನ್ನು ಹೊಂದಿರುತ್ತದೆ ಎಂದು ಅವರು ಹೇಳಿದ್ದಾರೆ.

ಕೇಂದ್ರ ಆರೋಗ್ಯ ಸಚಿವಾಲಯ ವಿಮಾನ ನಿಲ್ದಾಣಗಳು ಮತ್ತು ಬಂದರುಗಳಲ್ಲಿ, ವಿಶೇಷವಾಗಿ ಅಂತರಾಷ್ಟ್ರೀಯ ಪ್ರವೇಶ ಬಿಂದುಗಳಲ್ಲಿ ಪರಿಶೀಲನೆ ಹೆಚ್ಚಾಗುತ್ತದೆ ಎಂದು ಹೇಳಿದೆ. ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆ, ಸಫ್ದರ್‌ಜಂಗ್ ಆಸ್ಪತ್ರೆ ಮತ್ತು ಲೇಡಿ ಹಾರ್ಡಿಂಜ್ ವೈದ್ಯಕೀಯ ಕಾಲೇಜು ಎಂಬ ಮೂರು ಆಸ್ಪತ್ರೆಗಳನ್ನು ರೋಗಿಗಳ ಪ್ರತ್ಯೇಕತೆ, ನಿರ್ವಹಣೆ ಮತ್ತು ಚಿಕಿತ್ಸೆಗಾಗಿ ನೋಡಲ್ ಕೇಂದ್ರಗಳಾಗಿ ಸರ್ಕಾರ ಘೋಷಿಸಿದೆ.