ನವದೆಹಲಿ: ಸಿಯುಇಟಿ-ಯುಜಿ ಗಡುವನ್ನು ಮತ್ತೊಮ್ಮೆ ವಿಸ್ತರಣೆ ಮಾಡಲಾಗಿದೆ. ಏ.05 ರವರೆಗೆ ಅರ್ಜಿ ಸಲ್ಲಿಕೆಗೆ ಅವಕಾಶ ಕಲ್ಪಿಸಲಾಗಿದೆ. ಗಡುವನ್ನು ವಿಸ್ತರಣೆ ಮಾಡಿರುವ ಬಗ್ಗೆ ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ಪ್ರಕಟಿಸಿದೆ. ಈ ಮೊದಲು ಮಾ.26 ರಂದು ಗಡುವು ವಿಧಿಸಲಾಗಿತ್ತು. ಆದರೆ ಆ ನಂತರ ಮಾ.31 ಕ್ಕೆ ಗಡುವು ವಿಸ್ತರಣೆ ಮಾಡಲಾಯಿತು.
"CUET-UG -- 2024 ಗಾಗಿ ಅರ್ಜಿ ನಮೂನೆಯ ಆನ್ಲೈನ್ ಸಲ್ಲಿಕೆಗೆ ಅಂತಿಮ ದಿನಾಂಕವನ್ನು ಅಭ್ಯರ್ಥಿಗಳು ಮತ್ತು ಇತರ ಮಧ್ಯಸ್ಥಗಾರರಿಂದ ಸ್ವೀಕರಿಸಿದ ವಿನಂತಿಯನ್ನು ಆಧರಿಸಿ ಏಪ್ರಿಲ್ 5, 2024 ರಂದು ರಾತ್ರಿ 9:50 ರವರೆಗೆ ವಿಸ್ತರಿಸಲಾಗಿದೆ" ಎಂದು ಹಿರಿಯ ನಿರ್ದೇಶಕಿ ಸಾಧನಾ ಪರಾಶರ್ ಹೇಳಿದ್ದಾರೆ.
"ಅಭ್ಯರ್ಥಿಗಳು ಗುರುತಿನ ಅನುಕೂಲಕ್ಕಾಗಿ ಶಾಲಾ ID ಅಥವಾ ಯಾವುದೇ ಸರ್ಕಾರಿ ID ಯನ್ನು ಸಹ ಛಾಯಾಚಿತ್ರದೊಂದಿಗೆ ಬಳಸಬಹುದು" ಎಂದು ಅವರು ಹೇಳಿದ್ದಾರೆ. ಪರೀಕ್ಷೆಯನ್ನು ಮೇ 15 ರಿಂದ 31 ರವರೆಗೆ ನಡೆಸಲು ನಿರ್ಧರಿಸಲಾಗಿದೆ. ದೇಶಾದ್ಯಂತ ಕೇಂದ್ರ, ರಾಜ್ಯ, ಡೀಮ್ಡ್ ಮತ್ತು ಖಾಸಗಿ ವಿಶ್ವವಿದ್ಯಾಲಯಗಳಲ್ಲಿ ಪ್ರವೇಶ ಪ್ರಕ್ರಿಯೆಗಳನ್ನು ಸುಗಮಗೊಳಿಸಲು 2022 ರಲ್ಲಿ ಪ್ರಮಾಣಿತ ಪರೀಕ್ಷೆಯನ್ನು ಪರಿಚಯಿಸಲಾಯಿತು.