ಅಯೋಧ್ಯೆ (ಉತ್ತರ ಪ್ರದೇಶ): ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿರುವ ಅತ್ಯಂತ ಪವಿತ್ರ ದೇವಾಲಯವಾದ ರಾಮಮಂದಿರದ ದರ್ಶನ ಮತ್ತು ಆರತಿ ವೇಳಾಪಟ್ಟಿಯನ್ನು ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಪರಿಷ್ಕರಿಸಿದೆ. ಬಾಲಕ ರಾಮನ ವಿಶ್ರಾಂತಿ ಮತ್ತು ಪೂಜಾ ವಿಧಿವಿಧಾನಗಳನ್ನು ಗಮನದಲ್ಲಿಟ್ಟುಕೊಂಡು ನವೆಂಬರ್ 1, 2026 ರಿಂದ ಜಾರಿಗೆ ಬರುವಂತೆ ಹೊಸ ನಿಯಮಗಳು ಜಾರಿಗೆ ಬರಲಿವೆ. ಆ ಕುರಿತ ವರದಿ ಇಲ್ಲಿದೆ:

ದೇವಾಲಯದ ಬಾಗಿಲು ತೆರೆಯುವ ಸಮಯ

ಹೊಸ ನಿಯಮಾವಳಿಗಳ ಪ್ರಕಾರ, ಪ್ರಸ್ತುತ ಬೆಳಗ್ಗೆ 3:45ಕ್ಕೆ ತೆರೆಯುತ್ತಿದ್ದ ದೇವಾಲಯದ ಬಾಗಿಲು ಇನ್ನು ಮುಂದೆ ಬೆಳಗ್ಗೆ 4:00 ಗಂಟೆಗೆ ತೆರೆಯಲಿದ್ದು, ರಾತ್ರಿ 10:30ರ ಬದಲು ರಾತ್ರಿ 10:00 ಗಂಟೆಗೆ ಮುಚ್ಚಲ್ಪಡುತ್ತದೆ. ಇದರಿಂದಾಗಿ ಭಕ್ತರ ದರ್ಶನದ ಅವಧಿ ದಿನಕ್ಕೆ 14.5 ಗಂಟೆಗಳಿಂದ 13 ಗಂಟೆಗಳಿಗೆ ಇಳಿಕೆಯಾಗಲಿದೆ.

ನವೆಂಬರ್ 1 ರಿಂದ ಅನ್ವಯವಾಗುವ ಸಂಪೂರ್ಣ ನೂತನ ವೇಳಾಪಟ್ಟಿ ಇಲ್ಲಿದೆ:

ಬೆಳಗಿನ ಜಾವ ಹಾಗೂ ಮುಂಜಾನೆಯ ವೇಳಾಪಟ್ಟಿ

• ಬೆಳಗ್ಗೆ 4:00: ಗಂಟೆಗೆ ದೇವಾಲಯದ ಬಾಗಿಲು ತೆರೆಯಲಾಗುತ್ತದೆ.

• ಬೆಳಗ್ಗೆ 4:30 ರಿಂದ 4:40: ಮಂಗಳ ಆರತಿ.

• ಬೆಳಗ್ಗೆ 4:40 ರಿಂದ 6:30: ಸಾರ್ವಜನಿಕರಿಗೆ ಪ್ರವೇಶವಿರುವುದಿಲ್ಲ. ಈ ಸಮಯದಲ್ಲಿ ಅರ್ಚಕರು ರಾಮಲಲ್ಲಾನಿಗೆ ಅಭಿಷೇಕ, ಶೃಂಗಾರ, ಧೂಪ-ದೀಪ ಹಾಗೂ ಬೆಳಗಿನ ಪೂಜಾ ಕೈಂಕರ್ಯಗಳನ್ನು ನೆರವೇರಿಸುತ್ತಾರೆ.

• ಬೆಳಗ್ಗೆ 6:30: ಶೃಂಗಾರ ಆರತಿ.

• ಬೆಳಗ್ಗೆ 7:00: ಭಕ್ತಾದಿಗಳಿಗೆ ಅಧಿಕೃತವಾಗಿ ದರ್ಶನ ಆರಂಭ.

• ಬೆಳಗ್ಗೆ 8:00 ರಿಂದ 8:10: ಬಾಲ ಭೋಗ್ ನೈವೇದ್ಯಕ್ಕಾಗಿ 10 ನಿಮಿಷ ಬಾಗಿಲು ಮುಚ್ಚಿರುತ್ತದೆ. (ಬಳಿಕ 11:30 ರವರೆಗೆ ದರ್ಶನ ಮುಂದುವರಿಯುತ್ತದೆ).

ಮಧ್ಯಾಹ್ನದ ವೇಳಾಪಟ್ಟಿ

• ಮಧ್ಯಾಹ್ನ 11:30 ರಿಂದ 12:00: ರಾಜ್ ಭೋಗ್ ಅರ್ಪಣೆ (ದರ್ಶನ ಇರುವುದಿಲ್ಲ).

• ಮಧ್ಯಾಹ್ನ 12:00: ರಾಜ್ ಭೋಗ್ ಆರತಿ.

• ಮಧ್ಯಾಹ್ನ 12:30 ರಿಂದ 1:30: ಬಾಲಕ ರಾಮನ ಮಧ್ಯಾಹ್ನದ ವಿಶ್ರಾಂತಿ ಸಮಯ. ಈ 1 ಗಂಟೆ ಕಾಲ ಗರ್ಭಗುಡಿಯ ಬಾಗಿಲು ಸಂಪೂರ್ಣ ಮುಚ್ಚಿರುತ್ತದೆ.

• ಮಧ್ಯಾಹ್ನ 1:35: ಭಕ್ತರಿಗೆ ಮಧ್ಯಾಹ್ನದ ದರ್ಶನ ಪುನಾರಂಭ.

ಸಂಜೆ ಮತ್ತು ರಾತ್ರಿಯ ವೇಳಾಪಟ್ಟಿ

• ಸಂಜೆ 4:00 ರಿಂದ 4:10: ಸಂಜೆಯ ಬಾಲ ಭೋಗ್ ನೈವೇದ್ಯಕ್ಕಾಗಿ ಬಾಗಿಲು ಮುಚ್ಚಿರುತ್ತದೆ. (ಬಳಿಕ 6:45 ರವರೆಗೆ ದರ್ಶನ ಲಭ್ಯ).

• ಸಂಜೆ 6:45 ರಿಂದ 7:00: ಧೂಪ-ದೀಪ ಮತ್ತು ನೈವೇದ್ಯ ಸಲ್ಲಿಕೆ.

• ಸಂಜೆ 7:00: ಸಂಧ್ಯಾ ಆರತಿ ನೆರವೇರಲಿದೆ.

• ರಾತ್ರಿ 8:00 ರಿಂದ 8:30 ಹಾಗೂ 9:15 ರಿಂದ 9:30: ಧೂಪ-ದೀಪ ಮತ್ತು ವಿಶೇಷ ನೈವೇದ್ಯಕ್ಕಾಗಿ ಬಾಗಿಲು ಮುಚ್ಚಿರುತ್ತದೆ.

• ರಾತ್ರಿ 9:30: ಶಯನ ಆರತಿ ನೆರವೇರಲಿದೆ.

• ರಾತ್ರಿ 10:00: ದೇವಾಲಯದ ಬಾಗಿಲುಗಳನ್ನು ಸಂಪೂರ್ಣವಾಗಿ ಮುಚ್ಚಲಾಗುತ್ತದೆ.