ತುಮಕೂರು: ಮುಂದಿನ ಚುನಾವಣೆಯಲ್ಲಿ ಕೆಪಿಸಿಸಿ ಅಧ್ಯಕ್ಷ ಜಿ.ಪರಮೇಶ್ವರ ಕೊರಟಗೆರೆ ವಿಧಾನಸಬಾ ಕ್ಷೇತ್ರದಿಂದ ಸ್ಪರ್ಧಿಸಲು ಈಗಿನಿಂದಲೇ ಸಿದ್ಧತೆಗಳನ್ನು ಪ್ರಾರಂಭಿಸಿದ್ದಾರೆ. ಕಳೆದ ಚುನಾವಣೆಯಲ್ಲಿ ಆದಂತೆ ಮತ್ತೆ ವೈಫಲ್ಯ ಅನುಭವಿಸಬಾರದು ಎಂದು ಈಗಿನಿಂದಲೇ ತಯಾರಿ ನಡೆಸಿದ್ದಾರೆ. 

ಕೊರಟಗೆರೆ ಹೋಬಳಿಯ ವಡ್ಡಗೆರೆ ವೀರನಾಗಮ್ಮ ದೇವಸ್ಥಾನದಿಂದ ಸೋಮವಾರ ಪರಮೇಶ್ವರ್ ತಮ್ಮ ಪ್ರಚಾರವನ್ನು ಪ್ರಾರಂಭಿಸಿದರು. ಮಂಗಳವಾರ ಅವರು ಅರಸಪುರ ಗ್ರಾಮ ಹೊಲವನಹಳ್ಳಿ ಹೋಬಳಿಯಲ್ಲಿ ಪ್ರಚಾರಕಾರ್ಯ ದಲ್ಲಿ ತೊಡಗಿದರು. ಪ್ರತಿದಿನ ಅವರು ಏಳು ಗ್ರಾಮ ಪಂಚಾಯತ್ ಮುಖ್ಯ ಕಛೇರಿ ವ್ಯಾಪ್ತಿಯಲ್ಲಿ ಪ್ರಚಾರ ನಡೆಸುತ್ತಿದ್ದಾರೆ. ಪ್ರಚಾರದ ವೇಳೆ ಹಲವು ಸ್ಥಳಗಳಲ್ಲಿ, ಮಹಿಳಾ ಸದಸ್ಯರು ಕೆಪಿಸಿಸಿ ಅಧ್ಯಕ್ಷರನ್ನು ಭೇಟಿಯಾದರು.

ಅನ್ನ ಭಾಗ್ಯ ದ ಅನುಷ್ಠಾನವು ಅವರ ಭಾಷಣದ ಸಾಮಾನ್ಯ ವಿಷಯವಾಗಿದೆ. ತಾಲೂಕಿನ ಮಹಿಳಾ ಮತದಾರರನ್ನು ದೃಷ್ಟಿಯಲ್ಲಿಟ್ಟುಕೊಂಡು ಪರಮೇಶ್ವರ್ ಅನ್ನ ಭಾಗ್ಯ ವಿಚಾರವನ್ನು ಪ್ರಚಾರಕ್ಕೆ ಬಳಸಿಕೊಂಡಿದ್ದಾರೆ. ಇದೇ ವೇಳೆ ಕಾಂಗ್ರೆಸ್ ನ ತಾಲೂಕು ಮಟ್ತದ ಅಧ್ಯಕ್ಷ ಬಿ.ವಿ. ವೆಂಕಟೇಶ್ ಬಾಬು, ಕಾಂಗ್ರೆಸ್ ವಿದ್ಯಾರ್ಥಿ ಸಂಘಟನೆ ಎನ್.ಎಸ್.ಯು.ಐ. ಕಾರ್ಯಕರ್ತರು ಸಹ ಪ್ರಚಾರಕಾರ್ಯದಲ್ಲಿ ಸಕ್ರಿಯರಾಗಿದ್ದಾರೆ.