ರಾಯಚೂರು : ಚುನಾವಣೆ ಪ್ರಚಾರದ  ಸಂದರ್ಭದಲ್ಲಿ ಇಲ್ಲಿನ ಯುವಕನೋರ್ವ ತನ್ನ ಬೆನ್ನ ಹಿಂದೆ ಪ್ರಧಾನಮಂತ್ರಿ ನರೇಂದ್ರಮೋದಿ ಅವರ ಮುಖದ ಹೋಲಿಕೆಯಿರುವ ಟ್ಯಾಟೋ  ಬಿಡಿಸಿಕೊಳ್ಳುವ ಮೂಲಕ ಬಿಜೆಪಿ ಹಾಗೂ ನರೇಂದ್ರಮೋದಿಗೆ ಬೆಂಬಲ ವ್ಯಕ್ತಪಡಿಸಿದ್ದಾನೆ.

ಪ್ರಧಾನಿ ನರೇಂದ್ರಮೋದಿ ಅವರ ನಾಲ್ಕು ವರ್ಷಗಳ ಆಡಳಿತದಿಂದ ಆಕರ್ಷಿತಗೊಂಡು ಈ ರೀತಿಯ ಟ್ಯಾಟೋ ಬಿಡಿಸಿಕೊಂಡಿರುವುದಾಗಿ ಬಸವರಾಜ್ ಹೇಳಿದ್ದಾರೆ.

ವೃತ್ತಿಯಲ್ಲಿ ಖಾಸಗಿ ಸಂಸ್ಥೆಯೊಂದರಲ್ಲಿ ಬೋಧಕರಾಗಿರುವ  ಬಸವರಾಜ್, ನರೇಂದ್ರಮೋದಿ ಉತ್ತಮ ಕೆಲಸ ಮಾಡಿರುವ ಹಿನ್ನೆಲೆಯಲ್ಲಿ ಅವರ ಟ್ಯಾಟೋ ಬಿಡಿಸಿಕೊಂಡಿದ್ದು, ಇದನ್ನು ಬಿಡಿಸಿಕೊಳ್ಳಲು 15 ಗಂಟೆ ಬೇಕಾಯಿತು ಎಂದು ತಿಳಿಸಿದ್ದಾರೆ.

ಇಂದು ನಡೆದ ಚುನಾವಣೆ ಸಂದರ್ಭದಲ್ಲಿ ನರೇಂದ್ರಮೋದಿ ಅವರು ಬಸವರಾಜ್ ಹೆಸರನ್ನು ಕರೆದು ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿಸುವಂತೆ  ಕೋರಿದ್ದಾರೆ. ಇದು ನನ್ನ ಜೀವನದಲ್ಲಿ ಮರೆಯಲಾಗದ ದಿನವಾಗಿದ್ದು,  ಬಿಜೆಪಿ ಗೆಲುವುಗಾಗಿ ಸಹಾಯ ಮಾಡುವುದಾಗಿ ಅವರು ಹೇಳಿದ್ದಾರೆ.