ಬೆಂಗಳೂರು: ಜುಲೈ 12 ರಂದು ಭಾರೀ ಪ್ರಮಾಣದಲ್ಲಿ ರಾಜಕೀಯ ಬದಲಾವಣೆಗಳಾಗಲಿವೆ ಎಂದು ನಿರೀಕ್ಷಿಸಲಾಗಿದೆ.  ರಾಜ್ಯಪಾಲ ವಜೂಬಾಯಿ ವಾಲಾ  ಅಧಿವೇಶನ ಆರಂಭಕ್ಕೂ ಮುನ್ನ ಮೈತ್ರಿ ಸರ್ಕಾರದ ಬಹುಮತ ಸಾಬೀತು ಪಡಿಸುವಂತೆ ಸೂಚಿಸಬಹುದು ಎಂದು ಬಿಜೆಪಿ ಭರವಸೆ ಇಟ್ಟುಕೊಂಡಿದೆ.

ಈಗಾಗಲೇ ಜಯನಗರ ಶಾಸಕಿ ಸೌಮ್ಯ ರೆಡ್ಡಿ ಮನವೊಲಿಕೆ ಕಸರತ್ತು ಆರಂಭವಾಗಿತ್ತು,ರಾಮಲಿಂಗಾ ರೆಡ್ಡಿ ಪುತ್ರಿಗೆ ಪ್ರಬಲ ಖಾತೆ ನೀಡುವ ಆಮೀಷ ವೊಡ್ಡಲಾಗಿದೆ ಎಂದು ತಿಳಿದು ಬಂದಿದೆ.

ಇನ್ನೂ ರಾಜ್ಯದಲ್ಲಿ ಉಂಟಾಗುತ್ತಿರುವ ಎಲ್ಲಾ ರಾಜಕಯ ಬೆಳವಣಿಗೆಗಳನ್ನು ಕೇಂದ್ರದ ಇಬ್ಬರು ಬಿಜೆಪಿ ನಾಯಕರು ಕಣ್ಣಲ್ಲಿ ಕಣ್ಣಟ್ಟು ಗಮನಿಸುತ್ತಿದ್ದಾರೆ ಎಂದು ಬಿಜೆಪಿ ಮೂಲಗಳು ತಿಳಿಸಿವೆ.

ಜುಲೈ 4 ರಂದು ನಾಲ್ಕೈದು ಬಿಜೆಪಿ ಮುಖಂಡರ ಜೊತೆ ಬಿಜೆಪಿ ರಾಷ್ಚ್ರೀಯ ಕಾರ್ಯದರ್ಶಿ ಮುರುಳೀಧರ ರಾವ್  ರಾಮಲಿಂಗಾ ರೆಡ್ಜಿ ನಿವಾಸಕ್ಕೆ ತೆರಳಿದ್ದರು. ಇಂಜಿನೀಯರ್ ಕೃಷ್ಣರಾಜು ಈ ಭೇಟಿ ಆಯೋಜಿಸಿದ್ದರು ಎಂದು ಹೇಳಲಾಗಿದೆ,.

ಮುಂದೆ ಯಾವ ನಿರ್ಧಾರ ಕೈಗೊಳ್ಳಬೇಕು ಎಂಬ ಬಗ್ಗೆ ನಾವು ಪ್ಲಾನ್ ಮಾಡುತ್ತಿದೆ.ಸರ್ಕಾರ ತಾನಾಗೆ ಬಿದ್ದರೇ ಮಾತ್ರ ಸರ್ಕಾರ ರಚಿಸಲು ಹಕ್ಕು ಮಂಡಿಸಲು ಬಿಜೆಪಿ ನಿರ್ಧರಿಸಿರುವುದಾಗಿ ಬಲ್ಲ ಮೂಲಗಳು ತಿಳಿಸಿವೆ.

ಬಿಜೆಪಿ ಸರ್ಕಾರ ಬೀಳಿಸಿತು ಎಂಬ ಅಪವಾದ ಹೊತ್ತಿಕೊಳ್ಳಬಾರದೆಂದು ಕೇಂದ್ರ ಬಿಜೆಪಿ ನಾಯಕರು ಆದೇಶ ಹೊರಡಿಸಿರುವ ಹಿನ್ನೆಲೆಯಲ್ಲಿ ಯಾರೋಬ್ಬರು ರಿಸ್ಕ್ ತೆಗೆದು ಕೊಳ್ಳಲು ಮುಂದಾಗುತ್ತಿಲ್ಲ ಎಂದು ತಿಳಿದು ಬಂದಿದೆ. ರಾಜ್ಯದಲ್ಲಿ ರಾಷ್ಟ್ಪಪತಿ ಆಳ್ವಿಕೆ ಹೇರಲಾಗುತ್ತದೆಯೇ ಎಂಬುದನ್ನು ಬಿಜೆಪಿ ಕಾದು ನೋಡುತ್ತಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.