ನಾರ್ಥ್ ಚಾರ್ಲೆಸ್ಟನ್: ತಮ್ಮ ಶಾಲೆಯ ಪ್ರತಿಯೊಬ್ಬ ವಿದ್ಯಾರ್ಥಿಗೂ ಒಟ್ಟು ೬೫೦ ಬೈಸಿಕಲ್ ಗಳನ್ನು ಕೊಡಿಸಲು ಸೌತ್ ಕೆರೊಲಿನಾದ ಶಿಕ್ಷಕಿ ೮೦ ಸಾವಿರ ಡಾಲರ್ ಗಿಂತಲೂ ಹೆಚ್ಚು ಮೊತ್ತವನ್ನು ಚಂದಾ ಎತ್ತಿದ್ದಾರೆ. 

ನಾರ್ಥ್ ಚಾರ್ಲೆಸ್ಟನ್ ನ ಪೆಪ್ಪರ್ ಹಿಲ್ ಎಲಿಮೆಂಟರಿ ಶಾಲೆಯಲ್ಲಿ ಕೇಟಿ ಬ್ಲಾಮ್ ಕ್ವಿಸ್ಟ್ ಶಿಕ್ಷಕಿ. ಕಳೆದ ವರ್ಷ ಕಾರ್ಮಿಕರ ದಿನಾಚರಣೆಯ ನಂತರ ಸುಮಾರು ೬೫ ಸಾವಿರ ಡಾಲರ್ ಚಂದಾ ಎತ್ತಲು ಅಂತರ್ಜಾಲದಲ್ಲಿ ಅಭಿಯಾನ ಪ್ರಾರಂಭಿಸಿದ್ದರು ಎಂದು ಡಬ್ಲ್ಯೂಸಿಐವಿ- ಟಿವಿ ವರದಿ ಮಾಡಿದೆ. ಒಬ್ಬ ವಿದ್ಯಾರ್ಥಿಗೆ ಸೈಕಲ್ ಅವಶ್ಯಕತೆಯಿದ್ದು, ಆದರೆ ಅದನ್ನು ಭರಿಸುವ ಶಕ್ತಿ ಅವರ ಕುಟುಂಬಕ್ಕೆ ಇಲ್ಲವಾಗಿತ್ತಾದ್ದರಿಂದ ನನಗೆ ಈ ಐಡಿಯಾ ಹೊಳೆಯಿತು ಎಂದು ಬ್ಲಾಮ್ ಕ್ವಿಸ್ಟ್ ಹೇಳಿದ್ದಾರೆ. 

ಹಲವು ದೊಡ್ಡ ಸಂಸ್ಥೆಗಳ ಸಹಾಯ ಮತ್ತು ಟಿವಿ ನಿರೂಪಕ ಸ್ಟಿವ್ ಹಾರ್ವೆ ಅವರ ಸಹಾಯದಿಂದಾಗಿ ಈ ಐಡಿಯಾ ನಂತರ ವೈರಲ್ ಆಗಿ ಬೃಹತ್ ಆಗಿ ಬೆಳೆದಿದೆ ಎಂದು ತಿಳಿದುಬಂದಿದೆ. 

ಶಾಲೆಯ ನಿಲುಗಡೆ ತಾಣದಲ್ಲಿ ಸೈಕಲ್ ಗಳನ್ನು ನಿಲ್ಲಿಸಿ ಬ್ಲಾಮ್ ಕ್ವಿಸ್ಟ್ ವಿದ್ಯಾರ್ಥಿಗಳಿಗೆ ಅಚ್ಚರಿ ಮೂಡಿಸಿದ್ದಾರೆ.