ಮಂಗಳೂರು: ನೇರಳೆ, ಬಿಳಿ, ಹಳದಿ, ಗುಲಾಬಿ ಬಣ್ಣಗಳು ಅತಿಥಿಗಳನ್ನು ಸ್ವಾಗತಿಸುತ್ತವೆ. ಅದರೊಂದಿಗೆ ಕಮಲಗಳು ಮತ್ತು ನೈದಿಲೆಗಳ ಸೌಂದರ್ಯವು ಸಂಪೂರ್ಣವಾಗಿ ಅರಳಿದ ಪ್ರಕೃತಿಯ ಭಾವಚಿತ್ರವನ್ನು ಪೂರ್ಣಗೊಳಿಸುತ್ತದೆ. ಮಂಗಳೂರಿನ ಹೊರವಲಯದ ಮನೆಯೊಂದರ ತಾರಸಿಯ ಮೇಲೆ ಹೂವಿನ ಸೃಷ್ಟಿಯಿದು.
ಪ್ರಕೃತಿ, ಹಸಿರುಸಿರಿಗಳ ಮೇಲೆ ಪ್ರೀತಿ ಹೊಂದಿರುವ ಮಂಗಳೂರಿನ ಕೋಟೆಕಾರ್ ನಿವಾಸಿ 34 ವರ್ಷದ ಸ್ನೇಹಾ ಭಟ್ ಅವರು 15 ಕ್ಕೂ ಹೆಚ್ಚು ಬಗೆಯ ಕಮಲಗಳು, 60 ನೈದಿಲೆಗಳು ಸುಮಾರು 45 ಕ್ಕೂ ಹೆಚ್ಚು ಬಗೆಯ ಕಮಲಗಳನ್ನು ತಮ್ಮ ಮನೆಯ ಟೆರೇಸ್ ಮೇಲೆ ನೆಟ್ಟು ಬೆಳೆಸಿದ್ದಾರೆ.
ಮಂಗಳೂರಿನ ಎಸ್‌ಡಿಎಂ ಕಾಲೇಜಿನಲ್ಲಿ ಬಿಸಿಎ ಸಹಾಯಕ ಪ್ರಾಧ್ಯಾಪಕಿಯಾಗಿರುವ ಸ್ನೇಹಾ ಅವರಿಗೆ ಪ್ರಕೃತಿ, ಹಸಿರಸಿರಿ, ಕೃಷಿ, ಹೂವು ಹಣ್ಣು, ತರಕಾರಿಗಳನ್ನು ಬೆಳೆಸುವುದೆಂದರೆ ಹಿಂದಿನಿಂದಲೂ ಆಸಕ್ತಿ ಹೆಚ್ಚು. ಅವರ ಮನೆಯ ಟೆರೇಸ್ ಮೇಲೆ ಕಮಲಗಳು, ಲಿಲ್ಲಿಗಳು ಮತ್ತು ನೀರಿನ ಸಸ್ಯಗಳನ್ನು ಕೊಳಗಳಲ್ಲಿ ಬೆಳೆಸುತ್ತಾರೆ. ಕೊಳವಿಲ್ಲದೆ ಇನ್ನೂ ಅವುಗಳನ್ನು ಬೇರೆ ರೀತಿ ಬೆಳೆಸಬಹುದೇ ಎಂದು ನಾನು ಪ್ರಯೋಗಿಸಲು ಬಯಸುತ್ತೇನೆ. ನನಗೆ ಇದುವೇ ಹವ್ಯಾಸ ಎನ್ನುತ್ತಾರೆ ಸ್ನೇಹಾ.
ಅವರು ದೇಶದ ವಿವಿಧ ಭಾಗಗಳಿಂದ ಹೂವಿನ ಸಸ್ಯಗಳನ್ನು ಸಂಗ್ರಹಿಸಲು ಪ್ರಾರಂಭಿಸಿದರು. ಅವರ ಕುಟುಂಬವು ಚಾಮರಾಜನಗರಕ್ಕೆ ಸ್ಥಳಾಂತರಗೊಂಡಾಗ ಕಮಲಗಳಿಂದ ತುಂಬಿದ ಕೊಳಗಳನ್ನು ನೋಡಿದರಂತೆ. ನಂತರ, ಪಿರಿಯಾಪಟ್ಟಣ ಮತ್ತು ಕುಶಾಲನಗರದಲ್ಲಿ ನಾನು ಕೆಲವು ಸುಂದರವಾದ ಕಮಲಗಳನ್ನು ನೋಡಿದೆ. ನಾನು ಅಲ್ಲಿಂದ ಸಸ್ಯಗಳನ್ನು ಆರಿಸಿ ಸಣ್ಣ ಕುಂಡಗಳಲ್ಲಿ ಮರು ನೆಡುತ್ತಿದ್ದೇನೆ ಎಂದು ಹೇಳುತ್ತಾರೆ.
ಈಗ ಸ್ನೇಹಾ ಅವರ ಮನೆಯ ಟೆರೇಸ್ ಸುಂದರವಾದ ನೀರಿನ ಹೂವುಗಳು ಮತ್ತು ಸಸ್ಯಗಳ ಸ್ವರ್ಗವಾಗಿ ಮಾರ್ಪಟ್ಟಿದೆ. ಕಮಲಗಳು ಮತ್ತು ಇತರ ನೀರಿನ ಸಸ್ಯಗಳಿಗೆ ಕೊಳವನ್ನು ರಚಿಸಲು ಟಾರ್ಪಾಲಿನ್ ಅನ್ನು ಬಳಸಿದ್ದಾರೆ. ಸಸ್ಯಗಳನ್ನು ಹಿಡಿದಿಡಲು ಸಣ್ಣ ಮಡಕೆಗಳಲ್ಲಿ ಮಣ್ಣು, ಕೊಳದ ಕೆಸರು ಮತ್ತು ಹಸುವಿನ ಸಗಣಿ ಮಿಶ್ರಣವನ್ನು ಬಳಸುತ್ತಾರೆ. ಆರಂಭದಲ್ಲಿ, ಸಸ್ಯಗಳಲ್ಲಿ ಹೂವುಗಳಾಗಿರಲಿಲ್ಲ. ಸಾಮಾಜಿಕ ಮಾಧ್ಯಮದಲ್ಲಿ ಜಲಸಸ್ಯ ಬೆಳೆಗಾರರ ಗುಂಪುಗಳ ಮೂಲಕ ನಾನು ಕೆಲವು ತಜ್ಞರನ್ನು ಸಂಪರ್ಕಿಸಿದೆ, ಫೇಸ್‌ಬುಕ್‌ನಲ್ಲಿ ಕಮಲ ಮತ್ತು ನೀರಿನ ಲಿಲ್ಲಿ-ಸಂಬಂಧಿತ ಮಾಹಿತಿಗಳನ್ನು ಒದಗಿಸುವ ಗುಂಪುಗಳಿಗೆ ಸೇರಿಕೊಂಡೆ, ಲಾಕ್‌ಡೌನ್ ನಂತರ, ಹಲವಾರು ವಾಟ್ಸಾಪ್ ಗುಂಪುಗಳಲ್ಲಿ ಸಸ್ಯಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಸಹಾಯವಾಯಿತು ಎನ್ನುತ್ತಾರೆ ಸ್ನೇಹಾ.
ಇಂದು, ಸ್ನೇಹಾ ಅವರ ಮನೆಯ ಟೆರೇಸ್ ಮೇಲೆ ಅಪರೂಪದ ವಿಧದ ಉಷ್ಣವಲಯದ ನೀರಿನ ಸಸ್ಯಗಳನ್ನು ಹೊಂದಿದೆ, ಅವುಗಳು ಪರ್ಪಲ್ ಜಾಯ್, ಬುಲ್ಸ್ ಐ, ಸೇಂಟ್ ಲೂಯಿಸ್ ಗೋಲ್ಡ್ ಮತ್ತು ಲಿಂಡ್ಸೆ ವುಡ್ಸ್ ನಂತಹ ಒಂದು ದಿನ ಅರಳುತ್ತವೆ. ಕಮಲಗಳಲ್ಲಿ ಕೆಲವು ಥೈಲ್ಯಾಂಡ್ ಪ್ರಭೇದಗಳನ್ನು ಹೊಂದಿದ್ದಾರೆ. ನೀರಿನ ಸಸ್ಯಗಳಲ್ಲಿ, ಮೆಕ್ಸಿಕನ್ ಕತ್ತಿಗಳು ಮತ್ತು ಇತರರ ಸಂಗ್ರಹವಿದೆ. ಅಹಮದಾಬಾದ್, ತಿರುವನಂತಪುರಂ ಮತ್ತು ತಮಿಳುನಾಡಿನ ಹಲವಾರು ಸ್ಥಳಗಳು ಸೇರಿದಂತೆ ದೇಶದ ವಿವಿಧ ಭಾಗಗಳಿಂದ ಹಲವಾರು ಪ್ರಬೇಧಗಳ ಗಿಡಗಳನ್ನು ತಂದು ನೆಟ್ಟಿದ್ದಾರೆ.
ಸ್ನೇಹ ಅವರು ಗಿಡಗಳನ್ನು ಬೆಳೆಸಲು ಸಾವಯವ ಕೃಷಿಯ ಮೊರೆ ಹೋಗಿದ್ದಾರೆ. ಹಸುವಿನ ಸಗಣಿ, ಕಡಲೆಕಾಯಿ, ಮೊದಲಾದವುಗಳನ್ನು ಗೊಬ್ಬರವಾಗಿ ಬಳಸುತ್ತಾರೆ.