ಬೀಜಿಂಗ್: ಹಾಲಿ ಏಷ್ಯನ್ ಕ್ರೀಡಾಕೂಟ ಚಾಂಪಿಯನ್ ಇಂದರ್‍ಜೀತ್ ಸಿಂಗ್, ವಿಶ್ವ ಅಥ್ಲೆಟಿಕ್ಸ್ ಪಂದ್ಯಾವಳಿಯ ಪುರುಷರ ಶಾಟ್‍ಪುಟ್ ವಿಭಾಗದಲ್ಲಿ ಅಂತಿಮ ಸುತ್ತಿನಲ್ಲಿ ನಿರಾಸೆ ಅನುಭವಿಸಿದರು.

ಇದಕ್ಕೂ ಮೊದಲ ನಡೆದಿದ್ದ ಅರ್ಹಕಾ ಸುತ್ತಿನಲ್ಲಿ ಉತ್ತಮ ಪ್ರದರ್ಶನ ನೀಡಿ, ಅಂತಿಮ ಸುತ್ತಿಗೆ ಕಾಲಿಟ್ಟಿದ್ದ ಅವರು, ವಿಶ್ವ ಅಥ್ಲೆಟಿಕ್ಸ್ ನ ಶಾಟ್‍ಪುಟ್ ನಲ್ಲಿ ಫೈನಲ್‍ಗೆ ಕಾಲಿಟ್ಟ ಮೊದಲ ಭಾರತೀಯ  ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು. ಆದರೆ, ಈ ಹೆಗ್ಗಳಿಕೆಯ ಬೆನ್ನಲ್ಲೇ  ಅವರು ಪದಕ ವಂಚಿತರಾಗಿ ನಿರಾಸೆ ತಂದರು.

ನಿರಾಸೆಯ ನಡಿಗೆ: ಪುರುಷರ 20 ಕಿ.ಮೀ. ರೇಸ್‍ವಾಕ್ ಸ್ಪರ್ಧೆಯಲ್ಲಿ ಭಾರತದ ಬಲ್ಜಿಂದರ್ ಸಿಂಗ್ 12ನೇ ಸ್ಥಾನ ಪಡೆದಿದ್ದಾರೆ.ಇವರಲ್ಲಿ ಬಲ್ಜಿಂದರ್ 1 ಗಂಟೆ, 21 ನಿಮಿಷ 44 ಸೆಕೆಂಡ್ ಗಳಲ್ಲಿ ರೇಸ್ ಪೂರ್ಣಗೊಳಿದರೆ, ಇದೇ  ವಿಭಾಗದಲ್ಲಿ ಸ್ಪರ್ಧಿಸಿದ್ದ ಗುರ್ಮೀತ್ ಸಿಂಗ್ (1:25:22)ಮತ್ತು ಚಂದನ್ ಸಿಂಗ್ (1:26:40) ಕ್ರಮವಾಗಿ 36ನೇ ಹಾಗೂ 42ನೇ ಸ್ಥಾನ ಗಳಿಸಿದರು.