ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಪದ್ಮ ಭೂಷಣ ಶಿಫಾರಸ್ಸು ಪಟ್ಟಿಯಲ್ಲಿ ತಮ್ಮ ಹೆಸರು ಇಲ್ಲ ಎಂದು ಅಸಮಾಧಾನ ಸೂಚಿಸಿದ ಬೆನ್ನಲ್ಲೇ, ಅವರ ಹೆಸರನ್ನು ಪದ್ಮಭೂಷಣಕ್ಕೆ ಶಿಫಾರಸ್ಸು ಮಾಡಲು ಕ್ರೀಡಾ ಸಚಿವಾಲಯ ನಿರ್ಧರಿಸಿತ್ತು. ಈ ಪ್ರಕರಣ ನಡೆದು ದಿನ ಕಳೆಯುವಂತಲೇ, ಒಲಂಪಿಕ್ಸ್ ನಲ್ಲಿ ಕಂಚಿನ ಪದಕ ವಿಜೇತ ಬಾಕ್ಸರ್ ವಿಜೇಂದರ್ ಸಿಂಗ್ ತಮ್ಮ ಹೆಸರನ್ನು ಪದ್ಮಭೂಷನಕ್ಕೆ ಶಿಪಾರಸ್ಸು ಮಾಡಿ ಕ್ರೀಡಾ ಸಚಿವಾಲಯಕ್ಕೆ ಕಳುಹಿಸುವಂತೆ ಬಾಕ್ಸಿಂಗ್ ಸಮಿತಿಯನ್ನು ಕೋರಿದ್ದಾರೆ.
"ಬಾಕ್ಸಿಂಗ್ ಸಮಿತಿಯ ಅಧ್ಯಕ್ಷರ ಜೊತೆ ಮಾತನಾಡಿ ನನ್ನ ಹೆಸರನ್ನು ಪದ್ಮಭೂಷಣ ಪ್ರಶಸ್ತಿಗೆ ಶಿಫಾರಸ್ಸು ಮಾಡಿ ಕ್ರೀಡಾ ಸಚಿವಾಲಯಕ್ಕೆ ಕಳುಹಿಸುವಂತೆ ಹೇಳಿದ್ದೇನೆ" ಎಂದು ವಿಜೇಂದರ್ ತಿಳಿಸಿದ್ದಾರೆ.
ವಿಜೇಂದರ್ ಅವರಿಗೆ ೨೦೧೦ ರಲ್ಲಿ ಪದ್ಮಶ್ರೀ ಪ್ರಶತಿ ದೊರಕಿತ್ತು.