ಮೆಲ್ಬರ್ನ್: ವಿಶ್ವದ 3ನೇ ಶ್ರೇಯಾಂಕದ ಸ್ಪೇನ್‌ನ ರಾಫೆಲ್ ನಡಾಲ್ ಬುಧವಾರ ದ್ವಿತಿಯ ಸುತ್ತಿನ ಪಂದ್ಯದಲ್ಲಿ ಜಯಗಳಿಸಿ, 3ನೇ ಸುತ್ತಿಗೆ ಕಾಲಿಟ್ಟರು. ಆದರೆ ಅವರಿಗೆ ಆ ಜಯ ಸುವಭವಾಗಿರಲಿಲ್ಲ. ಅಮೆರಿಕದ ಆಟಗಾರ ಟಿಮ್ ಸ್ಮಿಜೆಕ್, ನಡಾಲ್‌ಗೆ ತೀವ್ರ ಪೈಪೋಟಿ ನೀಡಿದರು. ಆದರೂ ತೀವ್ರ ಹೋರಾಟ ನಡೆಸಿದ ನಡಾಲ್ 6-2, 3-6, 6-7, (2-7), 6-3, 7-5 ಸೆಟ್‌ಗಳಲ್ಲಿ ಗೆಲುವು ಸಾಧಿಸಿದರು.

ಅಂಡಿ ಮರ್ರೆಗೆ ಜಯ
ಪುರುಷರ ಸಿಂಗಲ್ಸ್‌ನ 2ನೇ ಸುತ್ತಿನ ಪಂದ್ಯದಲ್ಲಿ ಬ್ರಿಟನ್ ಆಂಡಿ ಮರ್ರೆ, ಆಸ್ಟ್ರೇಲಿಯಾದ ಮಾರಿಂಕೋ ಮ್ಯಾಟೋಸೆವಿಕ್ ವಿರುದ್ಧ 6-1, 6-3, 6-2 ಸೆಟ್‌ಗಳಲ್ಲಿ ಜಯ ಸಾಧಿಸಿದರು.

ಬ್ರಯಾನ್ ಸಹೋದರರಿಗೆ ಜಯ
ಅಮೆರಿಕದ ಬಾಬ್ ಬ್ರಾಯನ್ ಹಾಗೂ ಮೈಕ್ ಬ್ರಯಾನ್ ಜೋಡಿ, ಪುರುಷರ ಡಬಲ್ಸ್ ವಿಭಾಗದ ಮೂರನೇ ಸುತ್ತನ್ನು ಪ್ರವೇಶಿಸಿದೆ. ಬುಧವಾರದ ಪಂದ್ಯದಲ್ಲಿ ಈ ಜೋಡಿ, ಆಸ್ಟ್ರೇಲಿಯಾದ ಜಾನ್ ಮಿಲ್‌ಮನ್ ಹಾಗೂ ಬೆಂಜಮಿನ್ ಮಿಚೆಲ್ ಜೋಡಿಯನ್ನು 6-3, 7-5 ಸೆಟ್‌ಗಳಲ್ಲಿ ಪರಾಭವಗೊಳಿಸಿತು.