ಬೆಂಗಳೂರು: ತೀವ್ರ ತುರುಸಿನಿಂದ ಕೂಡಿದ್ದ ಪಂದ್ಯದಲ್ಲಿ ಮತ್ತೊಮ್ಮೆ ಛಲದ ಹೋರಾಟ ನಡೆಸಿದ ಕೇರಳ ತಂಡ, ಪಂಜಾಬ್ ವಿರುದ್ಧ 3-2 ಸೆಟ್‍ಗಳ ರೋಚಕ ಗೆಲುವಿನೊಂದಿಗೆ 64 ನೇ ರಾಷ್ಟ್ರೀಯ ವಾಲಿಬಾಲ್ ಚಾಂಪಿಯನ್ ಶಿಪ್ ನ ಫೈನಲ್ ಗೆ ಲಗ್ಗೆ ಹಾಕಿದರೆ , ಮತ್ತೊಂದು ಪಂದ್ಯದಲ್ಲಿ ತಮಿಳುನಾಡಿನ ಸವಾಲನ್ನು 3 -0 ಸೆಟ್ ಗಳಿಂದ ಮೆಟ್ಟಿನಿಂತ ರೈಲ್ವೇಸ್ ಪ್ರಶಸ್ತಿ ಸುತ್ತಿಗೆ ಧಾವಿಸಿತು.

ಇಲ್ಲಿನ ಶ್ರೀ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಮೊದಲ ಸೆಮಿ ಫೈನಲ್ ಪಂದ್ಯವು ಅತ್ಯಂತ ರೋಚಕ ತಿರುವು ಕಂಡು ಅಂತಿಮವಾಗಿ ಕೇರಳ 19 -25 , 23-25, 28-26, 25-18, 15-13 ರಿಂದ ವಿಜಯದ ಕೇಕೆ ಹಾಕಿತು. 123 ನಿಮಿಷಗಳ ಕಾಲ ನಡೆದ ಸುದೀರ್ಘ ಸೆಣೆಸಾಟದಲ್ಲಿ ಮೊದಲ ಸೆಟ್ ನ್ನು ಕಳೆದುಕೊಂಡರೂ, ಆ ಬಳಿಕ ತಿರುಗಿಬಿದ್ದ ಪರಿಗೆ ಪಂಜಾಬ್ ಆಟಗಾರರು ಮಣಿಯಲೇಬೇಕಾಯಿತು. ಇತ್ತ ಪಶ್ಚಿಮ ಬಂಗಾಳ ವಿರುದ್ಧ ರೈಲ್ವೇಸ್ 3 -0 ಯಿಂದ ಜಯಿಸಿತು.