ಮೆಲ್ಬರ್ನ್: ಭಾರತೀಯ ಟೆನಿಸ್ ತಾರೆ ಲಿಯಾಂಡರ್ ಪೇಸ್ ಮತ್ತು ಸ್ವಿಸ್ ಜೋಡಿ ಮಾರ್ಟಿನಾ ಹಿಂಗಿಸ್ ಆಸ್ಟ್ರೇಲಿಯಾ ಓಪನ್ ಮಿಕ್ಸೆಡ್ ಡಬಲ್ಸ್ ಕ್ವಾರ್ಟರ್ ಫೈನಲ್ಸ್ ಪಂದ್ಯದಿಂದ ಗುರುವಾರ ಹೊರಬಿದ್ದಿದ್ದಾರೆ.
ಪೇಸ್-ಹಿಂಗಿಸ್ ಜೋಡಿ ಸ್ಯಾಮ್ ಗ್ರಾಥ್ ಮತ್ತು ಸಮಂತಾ ಸ್ಟಾಸರ್ ಜೋಡಿಗೆ ೩-೬, ೨-೬ ರಿಂದ ಸೋಲನ್ನೊಪ್ಪಿದ್ದಾರೆ. ಗೆದ್ದ ಆಸ್ಟ್ರೇಲಿಯನ್ ಜೋಡಿ ಪ್ರಾರಂಭದಿಂದಲೂ ಆಕ್ರಮಣಕಾರಿ ಆಟವನ್ನಾಡಿ ೧೨ ಎಸ್ ಗಳನ್ನು ಹೊಡೆದಿದ್ದಾರೆ. ಪೇಸ್-ಹಿಂಗಿಸ್ ಜೋಡಿಗೆ ಕೇವಲ ೩ ಏಸ್ ಗಳನ್ನು ಹೊಡೆಯಲು ಸಾಧ್ಯವಾಗಿದೆ.
ಪೇಸ್-ಹಿಂಗಿಸ್ ಜೋಡಿ ಪ್ರಿ-ಕ್ವಾರ್ಟರ್ಸ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಕೆಸಿ ಡೆಲ್ಲಾಕ್ವ ಮತ್ತು ಮ್ಯಾಟ್ ರೀಡ್ ಜೋಡಿಯನ್ನು ೬-೨,೬-೩ ರಲ್ಲಿ ಸೋಲಿಸಿ ಕ್ವಾರ್ಟರ್ ಫೈನಲ್ಸ್ ಪ್ರವೇಶಿಸತ್ತು.