ಜಕಾರ್ತ್: ಇಂಡೊನೇಷ್ಯಾ ಓಪನ್‌ ಸೂಪರ್‌ ಸೀರೀಸ್‌ ಪ್ರೀಮಿಯರ್‌ ಬ್ಯಾಡ್ಮಿಂಟನ್‌ ಟೂರ್ನಿಯ ಸೆಮಿ ಫೈನಲ್ ಪಂದ್ಯದಲ್ಲಿ ಭಾರತದ ನಂ.1 ಆಟಗಾರ ಕಿಡಂಬಿ ಶ್ರೀಕಾಂತ್ ಅವರು ವಿಶ್ವದ ನಂ.1 ಆಟಗಾರ ಕೊರಿಯಾದ ಸನ್ ವ್ಯಾನ್ ಹೋ ಅವರ ವಿರುದ್ಧ ಶನಿವಾರ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಫೈನಲ್ ಪ್ರವೇಶಿಸಿದ್ದಾರೆ.

24 ವರ್ಷದ ಶ್ರೀಕಾಂತ್ ಅವರು 21-15 18-21 24-22 ಅಂತರದ ನೇರ ಸೆಟ್ ಗಳಿಂದ ಸನ್ ವಿರುದ್ಧ ಜಯ ಗಳಿಸಿದ್ದು, ನಾಳೆ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಪ್ರಶಸ್ತಿಗಾಗಿ ಜಪಾನಿನ ಕಝುಮಾಸ್ ಸಕಾಯಿ ಅವರನ್ನು ಎದುರಿಸಲಿದ್ದಾರೆ.

ನಿನ್ನೆ ನಡೆದ ಪ್ರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ 21-15, 21-14 ಅಂತರದ ನೇರ್ ಸೆಟ್ ಗಳಿಂದ ಚೀನಾದ ತೈಪೆಯ ಆಟಗಾರ ತ್ಸು ವೈ ವ್ಯಾಂಗ್ ಅವರನ್ನು ಸೋಲಿಸಿದ್ದರು.