ಎಡ್ಮಿಂಟನ್: ಇಂದು ಡೇವಿಸ್ ಕಪ್ ವಿಶ್ವ ಗ್ರೂಪ್ ಪ್ಲೇ ಆಫ್ ಟೈ ಪಂದ್ಯಗಳು ಪ್ರಾರಂಭವಾಗಲಿದೆ, ನಾರ್ತ್ ಲ್ಯಾಂಡ್ಸ್ ಕೊಲಿಸಿಯಮ್, ಎಡ್ಮಿಂಟನ್ ನ ಒಳಾಂಗಣ ಕ್ರೀದಾಂಗಣದಲ್ಲಿ ಭಾರತವು ಆತಿಥೇಯ ಕೆನಡಾ ವಿರುದ್ಧ ಸೆಣಸಲಿದೆ.
ಮೊದಲ ಸಿಂಗಲ್ಸ್ ಪಂದ್ಯದಲ್ಲಿ 154 ನೇ ಶ್ರೇಯಾಂಕಿತ ರಾಮ್ ಕುಮಾರ್ ರಾಮನಾಥನ್, ಬ್ರಾಡ್ಲಿ ಶನು ವಿರುದ್ಧದ ಆಡಿದರೆ, ಎರಡನೇ ಪುರುಷರ ಸಿಂಗಲ್ಸ್ ಪಂದ್ಯದಲ್ಲಿ ಯೂಕಿ ಭಾಂಬ್ರಿ, ವಿಶ್ವದ 51ನೇ ಶ್ರೇಯಾಂಕದ ಆಟಗಾರ ಡೆನಿಸ್ ಶಪೊವೊಲೋವ್ ಅವರನ್ನು ಎದುರಿಸಲಿದ್ದಾರೆ.
16 ರಾಷ್ಟ್ರಗಳ ವರ್ಲ್ಡ್ ಗ್ರೂಪ್ ಗೆ ಸೇರಲು ಬಯಸಿ ಭಾರತೀಯ ತಂಡವು ತನ್ನ ನಾಲ್ಕನೇ ಪ್ರಯತ್ನದಲ್ಲಿ ತೊಡಗಿದೆ. ಭರತವು ಕಳೆದ ಮೂರು ವರ್ಷಗಳಲ್ಲಿ - 2014 ರಲ್ಲಿ ಸೆರ್ಬಿಯಾ , 2015 ರಲ್ಲಿ ಜೆಕ್ ರಿಪಬ್ಲಿಕ್ ಮತ್ತು 2016 ರಲ್ಲಿ ಸ್ಪೇನ್ ನಲ್ಲಿ ನಡೆದ ಪ್ಲೇ-ಆಫ್ ಗಳಲ್ಲಿ ಭಾರತ ಪರಾಭವ ಅನುಭವಿಸಿತ್ತು..
ಭಾರತ ತಂಡದ ನಾಯಕ ಮಹೇಶ್ ಭೂಪತಿ, ರೋಹನ್ ಬೋಪಣ್ಣ ರನ್ನು ಸಕತ್ ಮೈನೆನಿ ಬದಲಿಗೆ ಪುರವ್ ರಾಜಾ ಅವರೊಡನೆ ಕಣಕ್ಕೆ ಇಳಿಸಿರುವುದು ಆಶ್ಚರ್ಯ ಮೂಡಿಸಿದೆ. ನಾಳೆ ನಡೆಯಲಿರುವ ಪುರುಷರ ಡಬಲ್ಸ್ ಪಂದ್ಯದಲ್ಲಿ ಈ ಜೋಡಿ ಹೇಗೆ ಪ್ರದರ್ಶನ ನೀಡಲಿದೆ ಎನ್ನುವುದನ್ನು ಕಾದು ನೋಡಬೇಕಿದೆ.