ಕಾಮನ್‌ವೆಲ್ತ್ ಕ್ರೀಡಾಕೂಟ: ಪುರುಷರ ಹಾಕಿಯಲ್ಲಿ ನ್ಯೂಜಿಲೆಂಡ್ ಗೆ ಮಣಿದ ಭಾರತ
ಗೋಲ್ಡ್ ಕೋಸ್ಟ್: 21ನೇ ಆವೃತ್ತಿಯ ಕಾಮನ್‌ವೆಲ್ತ್ ಕ್ರೀಡಾಕೂಟದ ಪುರುಷರ ಹಾಕಿ ವಿಭಾಗದಲ್ಲಿ ಭಾರತ ತಂಡ ಸೆಮೀಸ್ ಹಂತದಲ್ಲಿ ಸೋಲನುಭವಿಸಿದೆ.
ಶುಕ್ರವಾರ ನಡೆದಿದ್ದ ನ್ಯೂಜಿಲೆಂಡ್ ವಿರುದ್ಧದ ಸೆಮಿಫೈನಲ್ ಹೋರಾಟದಲ್ಲಿ ಭಾರತ 3-2 ಗೋಲುಗಳ ಅಂತರದಿಂದ ಪರಾಭವಗೊಂಡಿದೆ.
ಪಂದ್ಯದ ಪ್ರಾರಂಭದಲ್ಲಿ ಎದುರಾಳಿಗಳಿಗೆ 2 ಗೋಲುಗಳನ್ನು ಪಡೆಯಲು ಅವಕಾಶ ನಿಡಿದ್ದ ಬಾರತ ತನ್ನ ತಪ್ಪಿಗೆ ಭಾರೀ ದಂಡ ತೆರಬೇಕಾಯಿತು.
ನ್ಯೂಜಿಲೆಂಡ್ ಪರ ಹ್ಯೂಗೊ ಇನ್ಗ್ಲಿಸ್ಗೆ (7ನೇ ನಿಮಿಷ) , ಸ್ಟೀಫನ್ ಜನೆನೆಸ್ (13 ನೇ ನಿಮಿಷ)ದಲ್ಲಿ ಎರಡು ಗೋಲುಗಳನ್ನು ಗಳಿಸಿದರೆ ಭಾರತದ ಪರ ಹರ್ಮನ್ ಪ್ರೀತ್ ಸಿಂಗ್ (29 ನೇ ನಿಮಿಷ) ಪೆನಾಲ್ಟಿ ಸ್ಟ್ರೋಕ್ ಮೂಲಕ 1ಗೋಲು ಗಳಿಸುವಲ್ಲಿ ಸಫಲರಾಗಿದ್ದರು. ಈ ಪ್ರಕಾರ ಮಧ್ಯಂತರದ ವೇಳೆಗೆ ಭಾರತವು 1-2 ಗೋಲು ದಾಖಲಿಸಿತ್ತು.
ಇನ್ನು ಪಂದ್ಯದ ಉತ್ತರಾರ್ಧದಲ್ಲಿ ಮಾರ್ಕಸ್ ಚೈಲ್ಡ್ (40 ನೇ ನಿಮಿಷ) ನ್ಯೂಜಿಲೆಂಡ್ ಪರವಾಗಿ ಮತ್ತೆ 1 ಗೋಲು ಗಳಿಸುವುದರೊಡನೆ .ಎದುರಾಳಿ ತಂಡ 2 ಗೋಲುಗಳ ಮುನ್ನಡೆ ಸಾಧಿಸಲು ನೆರವಾಗಿದ್ದರು.
ಪಂದ್ಯದ 57 ನೇ ನಿಮಿಷದಲ್ಲಿ ಭಾರತವು ಪೆನಾಲ್ಟಿ ಕಾರ್ನರ್ಮೂಲಕ ಕೊರತೆಯನ್ನು ತುಂಬಲು ಮುಂದಾಯಿತಾದರೂ ಇಷ್ಟರಲ್ಲಿ ಸಮಯ ಮೀರಿ ಹೋಗಿದ್ದು ಯಾವುದೇ ಪ್ರಯೋಜನವುಂಟಾಗಲಿಲ್ಲ.
ಇದೀಗ ಕಂಚಿನ ಪದಕಕ್ಕಾಗಿ ನಡೆಯುವ ಹೋರಾಟದಲ್ಲಿ ಆಸ್ಟ್ರೇಲಿಯಾ ಅಥವಾ ಇಂಗ್ಲೆಂಡ್ ನ ವಿರುದ್ಧ ಸೆಣಸಬೇಕಿದೆ.
ಇದಕ್ಕೂ ಮುನ್ನ ಗುರುವಾರ ನಡೆದ ಪಂದ್ಯದಲ್ಲಿ ಭಾರತ ಮಹಿಲಾ ಹಾಕಿ ತಂಡ ಸಹ ಆಸ್ಟ್ರೇಲಿಯಾ ವಿರುದ್ಧ ಸೋಲನುಭವಿಸಿತ್ತು.