ಜಕಾರ್ತಾ: ಭಾರತದ ಜನಪ್ರಿಯ ಬ್ಯಾಡ್ಮಿಂಟನ್ ತಾರೆ ಪಿವಿ ಸಿಂಧೂ ಇಲ್ಲಿ ನಡೆಯುತ್ತಿರುವ ಇಂಡೋನೇಷ್ಯಾ ಓಪನ್ 2019 ಫೈನಲ್ಸ್ ಪ್ರವೇಶಿಸಿದ್ದಾರೆ. 

ಶನಿವಾರ ನಡೆದ ಅಂತಿಮ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಸಿಂಧು ಚೀನಾದ ಚೆನ್ ಯೂಫಿ ಅವರನ್ನು 21-19, 21-10 ಅಂತರದಲ್ಲಿ ಪರಾಜಿತಗೊಳಿಸಿ ಫೈನಲ್ ಗೇರಿದ್ದಾರೆ.

ಆರಂಭದಲ್ಲಿ ಪಾಯಿಂಟ್ ಗಳಿಕೆಯಲ್ಲಿ ಹಿಂದಿದ್ದ ಸಿಂಧೂ ಅಂತಿಮ ಹೋರಾಟದ ವೇಳೆ ಜಯದಕ್ಕಿಸಿಕೊಳ್ಳುವುದಕ್ಕೆ ಸಫಲವಾಗಿದ್ದರು.ಮೊದಲ ಪಂದ್ಯದ ಮಧ್ಯ ವಿರಾಮದ ವೇಳೆಗೆ, ಸಿಂಧು ಒಂದು ಪಾಯಿಂಟ್ ಹಿನ್ನಡೆಯಲ್ಲಿದ್ದರು ಆದರೆ ಅವರು 21-19ರಿಂದ ಆಟವನ್ನು ಜಯದತ್ತ ತಗೆದುಕೊಂಡು ಹೋಗಲು ಸಮರ್ಥರಾದರು. ಎರಡನೇ ಗೇಮ್‌ನಲ್ಲಿ ಅಂತಿಮ ಕ್ಷಣದಲ್ಲಿ ಸಿಂಧೂ ತನ್ನ ಚೀನಾ ಎದುರಾಳಿಯನ್ನು ನೇರ ಸೆಟ್ ಗಳಲ್ಲಿ ಮಣಿಸಿದ್ದರು.

ಇದಕ್ಕೆ ಹಿಂದೆ ಶುಕ್ರವಾರ ನಡೆದಿದ್ದ ಕ್ವಾರ್ಟರ್ ಫೈನಲ್ ಹಣಾಹಣಿಯಲ್ಲಿ ಸಿಂಧೂ ಜಪಾನ್ ನ ನೋಜೊಮಿ ಓಕಾಹಾರ ವಿರುದ್ಧ  21-14, 21-7 ರಿಂದ ಜಯ ಸಾಧಿಸಿ ಸೆಮೀಸ್ ಹಂತಕ್ಕೆ ತಲುಪಿದ್ದರು.

ಇದೀಗ ಸಿಂಧೂ ಭಾನುವಾರ ನಡೆಯುವ ಫೈನಲ್ ಸುತ್ತಿನ ಪಂದ್ಯದಲ್ಲಿ ಯಮಗುಚಿ  ವಿರುದ್ಧ ಪ್ರಶಸ್ತಿಗಾಗಿ ಸೆಣೆಸುವವರಿದ್ದಾರೆ.