ನ್ಯೂಯಾರ್ಕ್: ಭಾರತದ ರೋಹನ್ ಬೋಪಣ್ಣ ಮತ್ತು ಕೆನಡಾದ ಡೆನಿಸ್ ಶಪೊವಾಲೋವ್ ಜೋಡಿ ಇಲ್ಲಿ ನಡೆಯುತ್ತಿರುವ ಯುಎಸ್ ಓಪನ್ ಗ್ರ್ಯಾನ್ ಸ್ಲಾಮ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ಸ್ ಪಂದ್ಯದಲ್ಲಿ ಸೋತು ಟೂರ್ನಿಯಿಂದ ನಿರ್ಗಮಿಸಿದ್ದಾರೆ.
ಸೋಮವಾರ ತಡರಾತ್ರಿ ನಡೆದ ಎಂಟರ ಘಟ್ಟದ ಪಂದ್ಯದಲ್ಲಿ ಭಾರತ-ಕೆನಡಾ ಜೋಡಿ 5-7, 5-7 ನೇರ ಸೆಟ್ ಗಳಿಂದ ನೆದರ್ಲೆಂಡ್ಸ್ ನ ಜೀನ್ ಜಿಲಿಯನ್ ರೋಜರ್ ಮತ್ತು ರೊಮೇನಿಯಾದ ಹೊರಿಯಾ ಟೆಕಾವು ಜೋಡಿ ವಿರುದ್ಧ ನಿರಾಸೆ ಕಂಡಿತು
2018 ರಲ್ಲಿ ಯುಎಸ್ ಓಪನ್ ಮತ್ತು ಫ್ರೆಂಚ್ ಓಪನ್ ಎರಡರಲ್ಲೂ ಕ್ವಾರ್ಟರ್ ಫೈನಲ್ ನಲ್ಲಿ ಆಡಿದ್ದ ಬೋಪಣ್ಣ - ಶಪೊವಾಲೋವ್ ಜೋಡಿಯದ್ದು ಇದುವರೆಗಿನ ಅತ್ಯುತ್ತಮ ಪ್ರದರ್ಶನವಾಗಿದೆ.
ಇನ್ನು ಯುಎಸ್ ಓಪನ್ ನಲ್ಲಿ ಇದಾಗಲೇ ದಿವಿಜ್ ಶರಣ್ ಮತ್ತು ಸುಮಿತ್ ನಗಾಲ್ ಸೋಲು ಕಂಡಿದ್ದು ಬೋಪಣ್ಣ ನಿರ್ಗಮನದೊಡನೆ ಭಾರತದ ಅಭಿಯಾನ ಅಂತ್ಯವಾಗಿದೆ.