ಟೋಕಿಯೊ: ಒಲಂಪಿಕ್ಸ್ ಪ್ರಾರಂಭವಾದ ಕೆಲವೇ ದಿನಗಳ ನಂತರ ಟೋಕಿಯೊದಲ್ಲಿ ಅತಿ ಹೆಚ್ಚು ಹೊಸ ಕೊರೋನಾ ವೈರಸ್ ಸೋಂಕು ವರದಿಯಾಗಿದೆ.
ಜಪಾನಿನ ರಾಜಧಾನಿ ಟೋಕಿಯೊದಲ್ಲಿ ಕಳೆದ 24 ಗಂಟೆಯಲ್ಲಿ 2,848 ಕೊರೋನಾ ಪ್ರಕರಣಗಳು ವರದಿಯಾಗಿದೆ. ಇದು ಜನವರಿ 7ರಂದು ವರದಿಯಾಗಿದ್ದ 2,520 ಪ್ರಕರಣಗಳ ಹಿಂದಿನ ದಾಖಲೆಯನ್ನು ಮೀರಿಸಿದೆ.
ಒಲಿಂಪಿಕ್ಸ್ ಸಮಯದಲ್ಲಿ ಹೆಚ್ಚು ಸಾಂಕ್ರಾಮಿಕ ಡೆಲ್ಟಾ ರೂಪಾಂತರವು ಉಲ್ಬಣಕ್ಕೆ ಕಾರಣವಾಗಬಹುದು ಎಂದು ತಜ್ಞರು ಎಚ್ಚರಿಸಿದ್ದರು. ಲಸಿಕೆ ಪೂರೈಕೆ ಅನಿಶ್ಚಿತತೆಯಿಂದಾಗಿ ಜಪಾನ್‌ನ ಇನಾಕ್ಯುಲೇಷನ್ ಡ್ರೈವ್ ವೇಗ ಕಳೆದುಕೊಳ್ಳುವುದರಿಂದ ಪ್ರಕರಣಗಳು ತೀವ್ರವಾಗಿ ಹೆಚ್ಚಾಗಲಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಜಪಾನ್‌ನ ವ್ಯಾಕ್ಸಿನೇಷನ್ ಡ್ರೈವ್ ತಡವಾಗಿ ಮತ್ತು ನಿಧಾನವಾಗಿ ಪ್ರಾರಂಭವಾಯಿತು. ಪ್ರಧಾನಿ ಯೋಶಿಹೈಡ್ ಸುಗಾ ಅವರ ಸರ್ಕಾರವು ಒಲಿಂಪಿಕ್ಸ್‌ಗೆ ಮುಂಚಿತವಾಗಿ ಹೆಚ್ಚಿನ ಜನರಿಗೆ ಲಸಿಕೆ ನೀಡಲು ಮುಂದಾಯಿತು.
ಶೇಕಡ 25.5ರಷ್ಟು ಜಪಾನಿಯರಿಗೆ ಸಂಪೂರ್ಣವಾಗಿ ಲಸಿಕೆ ನೀಡಲಾಗಿದೆ ಎಂದು ಸರ್ಕಾರ ಹೇಳುತ್ತದೆ. ಇನ್ನೂ, ಜಪಾನ್ ತನ್ನ ಪ್ರಕರಣಗಳು ಮತ್ತು ಸಾವುಗಳನ್ನು ಇತರ ಹಲವು ದೇಶಗಳಿಗಿಂತ ತೀರಾ ಕಡಿಮೆ ಇರಿಸಿದೆ.
ದೇಶದಲ್ಲಿ ಒಟ್ಟಾರೆ 870,445 ಪ್ರಕರಣಗಳು ಮತ್ತು 15,129 ಸಾವುಗಳು ವರದಿಯಾಗಿವೆ.