---
ಸದಾ ನನ್ನೊಡನೆ ಇದ್ದ ಕತ್ತಲು
ಇದ್ದಕ್ಕಿದ್ದಂತೆ ಕಿರಿದಾಗಿ
ನನ್ನದೇ ಆಕೃತಿಯಾಯಿತು.
ಮಿಕ್ಕದ್ದು? ಸುತ್ತಲೂ ಹುಡುಕಿದೆ
ಇಲ್ಲೇ ಹತ್ತಿರ ಇದ್ದವರೆಲ್ಲ
ದೂರದಲ್ಲಿ ಹರಿದು ಹಂಚಿ ತಿನ್ನುತ್ತಿದ್ದರು
ಪಾಪ, ಕತ್ತಲೆ ಮರಣ ರೋದನ ಗೈಯುತ್ತಿತ್ತು.
---
ಧರ್ಮ ನಮ್ಮ ಮೈಮೇಲಿನ ಚರ್ಮ
ತಿರುಳು ಒಳಗಿನ ಶುದ್ಧಾಂತಃಕರಣ
ಚರ್ಮ ಸುಲಿದುದೇ ಆದರೆ ಪ್ರಳಯ

---
ನಿನ್ನೆ ನಾ ಕಂಡ ಆ ಒಂದು ಸಾವು
ಬರಿದೇ ಸಾವಾಗಿರಲಿಲ್ಲ
ಧನಾತ್ಮಕ ಬದುಕಿನ ಎಚ್ಚರಿಕೆ ಗಂಟೆ
ಮೊಳಗುತ್ತಲೇ ಇದೆ.

---
ಎಲ್ಲ ಗುಡಿ ಕೈಗಾರಿಕೆಗಳ ಉಗಮ
ಬಡವನ ಬಡಬಾನಲದೊಳಗೆ
ಎಲ್ಲ ಉದ್ಯಮಗಳ ಮೂಲ ಗಂಗೋತ್ರಿ
ಕೇವಲ ಅಡುಗೆಯ ಮನೆ

ವಿದ್ಯಾಧರ ಮುತಾಲಿಕ ದೇಸಾಯಿ
94838 25215