ಭುಜ್: ಪಾಕಿಸ್ತಾನದ ಸಮುದ್ರ ಗಡಿಯಲ್ಲಿರುವ ಗುಜರಾತಿನ ಕಚ್ ಜಿಲ್ಲೆಯ ಸರ್ ಕ್ರೀಕ್ ಪ್ರದೇಶದಲ್ಲಿ 9 ಜನರನ್ನು ಹೊತ್ತಿದ್ದ ಪಾಕಿಸ್ತಾನ ಹಡಗನ್ನು ಬೇಧಿಸಿ ಭಾರತೀಯ ಗಡಿರಕ್ಷಣಾ ಪಡೆ (ಬಿ ಎಸ್ ಎಫ್) ಬುಧವಾರ ವಶಕ್ಕೆ ಪಡೆದಿದೆ.
"ಸರ್ ಕ್ರೀಕ್ ಪ್ರದೇಶದ ಬಳಿ, ಗಸ್ತು ಸುತ್ತುವಾಗ ನಮ್ಮ ತಂಡ 8 ರಿಂದ 9 ಜನನ್ನು ಹೊತ್ತ ಹಡಗನ್ನು ವಶಪಡಿಸಿಕೊಂಡಿದೆ.
"ಅವರನ್ನು ಆಳವಾಗಿ ವಿಚಾರಣೆಗೆ ಒಳಪಡಿಸಲು ತನಿಖಾ ದಳಗಳನ್ನು ಕಳುಹಿಸಲಾಗಿದೆ. ನಾವು ಸದ್ಯಕ್ಕೆ ಮೀನುಗಳು ಮತ್ತು ಮೀನು ಹಿಡಿಯುವ ಸಾಧನಗಳನ್ನಷ್ಟೇ ಹಡಗಿನಿಂದ ವಶಪಡಿಸಿಕೊಂಡಿದ್ದೇವೆ" ಎಂದು ಹಿರಿಯ ಬಿ ಎಸ್ ಎಫ್ ಅಧಿಕಾರಿ ಹೇಳಿದ್ದಾರೆ.
"ಆದರೆ ಈ ಜನ ಪಾಕಿಸ್ತಾನದ ಪರವಾಗಿ ಬೇಹುಗಾರಿಕೆ ನಡೆಸುತ್ತಿರವುದನ್ನು ತಳ್ಳಿಹಾಕಲು ಸಾಧ್ಯವಿಲ್ಲ" ಎಂದು ಕೂಡ ಅಧಿಕಾರಿ ಹೇಳಿದ್ದಾರೆ.
ಗುಜರಾತಿನ ಪೋರಬಂದರಿನ ಬಳಿ ಕೂಡ ಅಕ್ಟೋಬರ್ 2 ರಂದು ಪಾಕಿಸ್ತಾನಿ ಹಡಗನ್ನು ಭಾರತೀಯ ಪಡೆಗಳು ವಶಪಡಿಸಿಕೊಂಡಿದ್ದವು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics