ನವದೆಹಲಿ: ಹಲವು ವಿಶೇಷ ದಿನಗಳನ್ನು ತನ್ನ ವಿಶೇಷ ಡೂಡಲ್ ಮೂಲಕ ನೆನಪಿಸುವ ಗೂಗಲ್ ಸಂಸ್ಥೆ ಇದೀಗ ವಿಶ್ವ ತಾಯಂದಿರ ದಿನವನ್ನು ವಿಶೇಷ ಡೂಡಲ್ ಬಿಡಿಸುವ ಮೂಲಕ ಆಚರಣೆ ಮಾಡಿದೆ.
ಪ್ರತೀ ವರ್ಷದ ಮೇ ತಿಂಗಳ 2ನೇ ಭಾನುವಾರವನ್ನು ತಾಯಂದಿರ ದಿನವಾಗಿ ಆಚರಣೆ ಮಾಡಲಾಗುತ್ತಿದ್ದು, ಗೂಗಲ್ ಕೂಡ ವಿಶೇಷ ಡೂಡಲ್ ಬಿಡಿಸುವ ಮೂಲಕ ತಾಯಂದಿರ ದಿನವನ್ನು ಆಚರಿಸಿದೆ. 6 ಚಿತ್ರಗಳಲ್ಲಿ ಗರ್ಭಿಣಿ ಪಾಪಸ್ ಕಳ್ಳಿ ಗಿಡ ಹೇಗೆ ತನ್ನ ಮಗು ಮರಿ ಪಾಪಸ್ ಕಳ್ಳಿ ಗಿಡವನ್ನು ಹೊತ್ತು-ಹೆತ್ತು ಸಾಗುತ್ತದೆ ಎಂಬುದನ್ನು ವಿಶೇಷವಾಗಿ ಬಿಡಿಸುವ ಮೂಲಕ ವಿಶ್ವ ತಾಯಂದಿರ ದಿನವನ್ನು ಗೂಗಲ್ ಆಚರಣೆ ಮಾಡಿದೆ.
ಈ ಹಿಂದೆ ಡಾ.ರಾಜ್ ಕುಮಾರ್ ಅವರ ಜನ್ಮ ದಿನವನ್ನು ವಿಶೇಷವಾಗಿ ಡೂಡಲ್ ಮೂಲಕ ಗೂಗಲ್ ನೆನಪಿತ್ತು.