ನವದೆಹಲಿ: ಗ್ರೇಟರ್ ನೋಯ್ಡಾದಲ್ಲಿ ನಡೆಯುತ್ತಿರುವ 2018 ಆಟೋ ಎಕ್ಸ್‌ಪೊದಲ್ಲಿ ದೇಶದ ಹಲವು ವಾಹನ ಸಂಸ್ಥೆಗಳು ತಯಾರಿಸಿರುವ ಮುಂದಿನ ಪೀಳಿಗೆಯ ಹೊಸ ಕಾರು ಮತ್ತು ಬೈಕ್ ಗಳು ಅನಾವರಣಗೊಂಡಿದ್ದು, ಮಹಿಂದ್ರಾ ಕಂಪನಿಯ 2- ಸೀಟರ್ ಯುಡೊ ಹೆಚ್ಚು ಗಮನ ಸೆಳೆಯಿತು.
ಯುಡೊ ನೋಡಲು ತುಂಬಾ ಆಕರ್ಷವಾಗಿದ್ದು, ದ್ವಿಚಕ್ರ ಕಾರು ಮಾದರಿಯಲ್ಲಿದೆ. ಆದರೆ ಇದು ಕಾರೋ ಅಥವಾ ಬೈಕೋ ಎಂಬ ಗುಟ್ಟನ್ನು ಮಹಿಂದ್ರಾ ಕಂಪನಿ ಇನ್ನೂ ಬಿಟ್ಟುಕೊಟ್ಟಿಲ್ಲ. ಇದನ್ನು ಅಧಿಕೃತವಾಗಿ ಮಾರುಕಟ್ಟೆಗೆ ಪರಿಚಯಿಸುವ ವೇಳೆ ಯುಡೊ ಕಾರೋ ಅಥವಾ ಬೈಕೋ ಎಂಬುದುನ್ನು ಘೋಷಿಸುವುದಾಗಿ ಕಂಪನಿ ತಿಳಿಸಿದೆ.
ಆಟೋ ಎಕ್ಸ್‌ಪೊದಲ್ಲಿ ಯಮಹಾ ಕಂಪನಿಯ ಫ್ಯೂಚರಿಸ್ಟಿಕ್ ಮೊಟೊರಾಯ್ಡ್ ಬೈಕ್ ಹಾಗೂ ಟಿವಿಎಸ್ ನ ಆರ್‌ಟಿಆರ್ 200 ಎಫ್‌ಐ ಸೇರಿದಂತೆ ಹಲವು ಬೈಕ್ ಗಳು ಗಮನ ಸೆಳೆಯುತ್ತಿವೆ.