ಮಿನಾ ವಾಕಿಂಗ್ ಚಿತ್ರದ ಟ್ರೈಲರ್

ಯುದ್ಧ ಗ್ರಸ್ಥ ಕಾಬೂಲ್ ನಲ್ಲಿ ಬಡ ಕುಟುಂಬದಲ್ಲಿ ಜನಿಸಿದ ಬಾಲಕಿಯೊಬ್ಬಳು ತನ್ನ ಕುಟುಂಬ ನಿರ್ವಹಣೆಗಾಗಿ ಎದುರಿಸುವ ನಾನಾ ಸಮಸ್ಯೆಗಳನ್ನು ಚಿತ್ರದಲ್ಲಿ ವಿವರಿಸಲಾಗಿದೆ. ಮಾದಕವ್ಯಸನಿಯಾದ ತಂದೆ ಬಾಲಕಿಯ ದಿನದ ಅಷ್ಟೂ ಸಂಪಾದನೆಯನ್ನು ಕಿತ್ತುಕೊಳ್ಳುತ್ತಿರುತ್ತಾನೆ. ಈ ನಡುವೆ ಅನಾರೋಗ್ಯ ಪೀಡಿತ ತಾತ ಮತ್ತು ತನ್ನ ಓದಿಗೂ ಹಣ ಹೊಂದಿಸುವ ಹೊಣೆ ಬಾಲಕಿ ಮೇಲಿರುತ್ತದೆ. ಇಂತಹ ಕ್ಲಿಷ್ಟಕರ ಪರಿಸ್ಥಿತಿಯನ್ನು ಬಾಲಕಿ ಹೇಗೆ ಎದುರಿಸುತ್ತಾಳೆ ಎನ್ನುವುದನ್ನು ಮೀನಾ ವಾಂಕಿಂಗ್ ಚಿತ್ರದಲ್ಲಿ ಹೆಣೆಯಲಾಗಿದೆ. ಈ ಚಿತ್ರ ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.