ಅಮೆರಿಕದಲ್ಲಿ ಕಾಡ್ಗಿಚ್ಚಿಗೆ ಸುಟ್ಟು ಕರಕಲಾದ ಕಾರು ಲಾರಿಗಳು

ಅಮೆರಿಕಾದ ದಕ್ಷಿಣ ಕ್ಯಾಲಿಫೋರ್ನಿಯಾ ಬೆಟ್ಟದಲ್ಲಿನ ಕಾಡ್ಗಿಚ್ಚು ಜನ ನಿಭಿಡ ರಸ್ತೆವರೆಗೂ ನುಗ್ಗಿ ಬಂದ ಪರಿಣಾಮ ಕಾರು ಸೇರಿದಂತೆ ವಿವಿಧ ವಾಹನಗಳಲ್ಲಿದ್ದ ಚಾಲಕರು ಓಡಿಹೋಗಿದ್ದರು. ಅಷ್ಟೇ ಅಲ್ಲ ಬೆಂಕಿಯನ್ನು ನಂದಿಸಲು ಅಗ್ನಿಶಾಮಕ ಸಿಬ್ಬಂದಿಗಳು ಹರಸಾಹಸಪಡಬೇಕಾಯಿತು. ಲಾಸ್ ವೇಗಾಸ್ ಮತ್ತು ಕ್ಯಾಲಿಫೋರ್ನಿಯಾದ ರಸ್ತೆಯ ಮೇಲೆ ಕಾಡ್ಗಿಚ್ಚು ಹಬ್ಬಿತ್ತು ಇದರಿಂದ ಭಯಗೊಂಡ ಸುಮಾರು 20 ಜನರು ತಮ್ಮ ವಾಹನಗಳನ್ನು ಬಿಟ್ಟು ಓಡಿಹೋಗಿದ್ದರು. ಕಾಡ್ಗಿಚ್ಚಿಗೆ 20ಕ್ಕೂ ಅಧಿಕ ವಾಹನಗಳು ಭಸ್ಮವಾಗಿ ಹೋಗಿ, ದಟ್ಟವಾದ ಕಪ್ಪು ಹೊಗೆ, ಬೆಂಕಿಯ ತಾಪದ ದೃಶ್ಯಗಳು ಮಾಧ್ಯಮಗಳಲ್ಲಿ ಪ್ರಸಾರವಾಗಿದೆ.ವಿಡಿಯೋ ಕೃಪೆ: ಅಸೋಸಿಯೇಟೆಡ್ ಪ್ರೆಸ್