ಯೆಮನ್: ಶಂಕಿತ ಹೌಥಿ ಬಂಡುಕೋರರು ನಡೆಸಿದ ದಾಳಿಗೆ ಯೆಮನ್​ನ ಅಡೆನ್ ನಗರದ ಗವರ್ನರ್ ಗಾಫರ್ ಮೊಹಮ್ಮದ್ ಸಾದ್ ಮತ್ತು 6 ಮಂದಿ ಅಂಗರಕ್ಷಕರು ಬಲಿಯಾಗಿದ್ದಾರೆ.

ಕಚೇರಿಗೆ ತೆರಳುತ್ತಿದ್ದಾಗ ಈ ಸ್ಫೋಟ ಸಂಭವಿಸಿದ್ದು, ಗಾಫರ್ ಮೊಹಮ್ಮದ್ ಸಾದ್ ಅವರು ಮೃತಪಟ್ಟಿದ್ದಾರೆ ಎಂದು ಯೆಮೆನ್ ಭದ್ರತಾ ಅಧಿಕಾರಿಗಳು ತಿಳಿಸಿದ್ದು, ಸ್ಫೋಟದ ಕಾರಣ ಬಗ್ಗೆ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ.

ಬಂದರು ನಗರ ಅಡೆನ್​ನ ತವಾಹಿ ಪ್ರದೇಶದಲ್ಲಿ ಈ ದಾಳಿ ನಡೆದಿದೆ. ಸೌದಿ ನೇತೃತ್ವದ ಮೈತ್ರಿಕೂಟದ ಬೆಂಬಲದೊಂದಿಗೆ ಸರ್ಕಾರಿ ಪಡೆಗಳು ಈ ವರ್ಷದ ಆದಿಯಲ್ಲಿ ಷಿಯಾ ಹೌಥಿ ಬಂಡುಕೋರರನ್ನು ನಗರದಿಂದ ಹೊರದಬ್ಬಿ ಅಡೆನ್ ನಗರವನ್ನು ಮರುವಶ ಪಡಿಸಿಕೊಂಡಿದ್ದವು.