ಜೆರುಸೇಲಮ್: ಫೇಸ್ಬುಕ್ ನಲ್ಲಿರುವ ಜ್ಯೂ ಧರ್ಮೀಯರು ಮತ್ತು ಇಸ್ರೇಲಿಗಳ ನಡುವೆ ಹಿಂಸೆಗೆ ಪ್ರಚೋದನೆ ನೀಡುವ ಪುಟಗಳನ್ನು ತೆಗೆದುಹಾಕಲು ಇಸ್ರೇಲಿನ ರಾಜಧಾನಿ ಟೆಲ್ ಅವೈವ್ ನಲ್ಲಿ ನಡೆಯುತ್ತಿದ್ದ ಪ್ರತಿಭಟನೆಯ ವೇಳೆಯಲ್ಲಿ ಸಂಸ್ಥೆಯ ಮುಖ್ಯ ಕಚೇರಿಯಾ ಕಟ್ಟಡಕ್ಕೆ ಹಾನಿಯಾಗಿದೆ.
ಈ ಫೇಸ್ಬುಕ್ ಕಚೇರಿಯ ಕಟ್ಟಡದ ಮೇಲೆ 'ನಿಮ್ಮ ಕೈಯಲ್ಲಿ ರಕ್ತ' ಎಂದು ಸ್ಪ್ರೇ ಪೈಂಟಿಂಗ್ ಮೂಲಕ ಮೂಲಕ ಇಸ್ರೇಲಿ ನಿವಾಸಿ ರಾಟೆಮ್ ಗೇಜ್ ದೊಡ್ಡದಾಗಿ ಬರೆದಿದ್ದಾರೆ ಎಂದು ಜೆರುಸೇಲಮ್ ಪೋಸ್ಟ್ ವರದಿ ಮಾಡಿದೆ.
ನಂತರ ಸುದ್ದಿವಾಹಿನಿಗೆ ಮಾತನಾಡಿರುವ ಅವರು ಕಟ್ಟಡಕ್ಕೆ ಹಾನಿ ಮಾಡಿದ್ದು ಏಕೆಂದರೆ 'ಇಸ್ರೇಲಿಗಳನ್ನು ಕೊಲೆ ಮಾಡಿ' ಎಂಬ ಪುಟವನ್ನು ತೆಗೆದು ಹಾಕಲು ಸಂಸ್ಥೆ ನಿರಾಕರಿಸಿದ್ದಕ್ಕೆ ಎಂದಿದ್ದಾರೆ. ಸಂಸ್ಥೆಯ ಅಂತರ್ಜಾಲ ಪುಟಕ್ಕೆ ಹೆಚ್ಚು ಜನ ಭೇಟಿ ನೀಡುವ ಒಂದೇ ಉದ್ದೇಶದಿಂದ ಆ ಪುಟವನ್ನು ತೆಗೆದು ಹಾಕಲು ಫೇಸ್ಬುಕ್ ನಿರಾಕರಿಸಿದೆ ಎಂದು ದೂರಿದ್ದರೆ.
ಈ ಹಿಂದೆ ಫೇಸ್ಬುಕ್ ಈತನ ವಿರುದ್ಧ ದೂರು ನೀಡಿದ್ದರಿಂದ ಗೇಜ್ ಅವರು ಅಧಿಕೃತವಾಗಿ ತಮ್ಮ ಹೆಸರನ್ನು ಮಾರ್ಕ್ ಜ್ಯೂಕರ್ಬರ್ಗ್ ಎಂದು ಬದಲಾಯಿಸಿಕೊಂಡು ಕುಚೋದ್ಯ ಮಾಡಿದ್ದರು.