ಬೊಗೊಟ: ಕೊಲಂಬಿಯಾದ ಕಾರ್ಗೊ ವಿಮಾನವೊಂದು ಮಂಗಳವಾರ ಸಂಜೆ ಟೇಕಾಫ್ ಆದ ಕೇವಲ ಮೂರು ನಿಮಿಷಗಳಲ್ಲೇ ಪತನವಾಗಿದ್ದು, ಘಟನೆಯಲ್ಲಿ ಐವರು ಸಿಬ್ಬಂದಿ ಮೃತಪಟ್ಟಿದ್ದಾರೆ ಹಾಗೂ ಮತ್ತೊಬ್ಬರು ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದ್ದಾರೆ.
ದುರಂತದಲ್ಲಿ ಬದುಕುಳಿದ ಏಕೈಕ ವ್ಯಕ್ತಿ, ವಿಮಾನದ ತಂತ್ರಜ್ಞನನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ರಾಜಧಾನಿ ಬೊಗೊಟಾಗೆ ಕಳುಹಿಸಲಾಗುವುದು ಎಂದು ಕೊಲಂಬಿಯಾ ನಾಗರಿಕ ವಿಮಾನಯಾನ ಅಧಿಕಾರಿಗಳು ತಿಳಿಸಿದ್ದಾರೆ.
ದುರಂತಕ್ಕಿಡಾದ ವಿಮಾನ ಬೋಯಿಂಗ್ 727 ಎಂದು ಗುರುತಿಸಲಾಗಿದ್ದು, ಘಟನೆಯಲ್ಲಿ ಪೈಲಟ್, ಸಹ ಪೈಲಟ್, ವಿಮಾನದ ಇಂಜಿನಿಯರ್ ಹಾಗೂ ವಿತರಕ ಮೃತಪಟ್ಟಿರುವುದಾಗಿ ಅವರು ಹೇಳಿದ್ದಾರೆ.
ವಿಮಾನ ಪತನಕ್ಕೆ ಕಾರಣ ಇನ್ನೂ ತಿಳಿದುಬಂದಿಲ್ಲ. ಆದರೆ ತನಿಖಾ ತಂಡ ಸ್ಥಳಕ್ಕೆ ಆಗಮಿಸಿದ್ದು ತನಿಖೆ ನಡೆಸುತ್ತಿರುವುದಾಗಿ ವಿಮಾನಯಾನ ವಕ್ತಾರರು ಎಎಫ್ ಪಿಗೆ ತಿಳಿಸಿದ್ದಾರೆ.