ವಾಷಿಂಗ್ಟನ್: ವೈಫೈ ಸಿಗ್ನಲ್ ಸಿಗದೆ ಕಿರಿಕಿರಿ ಅನುಭವಿಸುವರಲ್ಲಿ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಕೂಡಾ ಒಬ್ಬರು!
ಸಿಬಿಎಸ್ ನ ಸೂಪರ್ ಬೌಲ್ ಪ್ರೀ ಗೇಮ್ ಶೋ ನಲ್ಲಿ ಗೇಲ್ ಕಿಂಗ್ಗೆ ನೀಡಿದ ಸಂದರ್ಶನದಲ್ಲಿ ಒಬಾಮಾ, ಶ್ವೇತ ಭವನದ ವೈಫೈ ಕಿರಿಕಿರಿ ಬಗ್ಗೆ ಹೇಳಿದ್ದಾರೆ .
ಶ್ವೇತಭವನದಲ್ಲಿ ವೈಫೈ ಸಿಗ್ನಲ್ ಸಮಸ್ಯೆಯಿದೆ. ಆದ್ದರಿಂದಅದನ್ನು ಸರಿಮಾಡಬೇಕಾದ ಅಗತ್ಯವಿದೆ ಎಂದು ಒಬಾಮಾ ಹೇಳಿದ್ದಾರೆ.
ಶ್ವೇತಭವನದಲ್ಲಿ ಇರುವ ಸಮಸ್ಯೆ ಎಂದರೆ ವೈಫೈಯದ್ದು, ನಮ್ಮ ಮಕ್ಕಳು ಸಾಶಾ ಮತ್ತು ಮಾಲಿಯಾ ಕೂಡಾ ವೈಫೈ ಕಿರಿಕಿರಿಯನ್ನು ಅನುಭವಿಸುತ್ತಿದ್ದಾರೆ ಎಂದು ಫಸ್ಟ್ ಲೇಡಿ ಮಿಶೆಲ್ ಒಬಾಮಾ ದನಿಗೂಡಿಸಿದ್ದಾರೆ.