ಲಂಡನ್: ರಂಜಾನ್ ನ ಮೊದಲನೆಯ ದಿನದಂದು ಮದ್ಯ ಉಪಚಾರ ನಿಲ್ಲಿಸಿಲ್ಲವೆಂದು ನೈಸ್ ಕಫೆಯ ಪರಿಚಾರಕಿಯ ಮೇಲೆ ಇಬ್ಬರು ಪುರುಷರು ಹಲ್ಲೆ ನಡೆಸಿದ್ದಾರೆ.

ಟುನ್ಶಿಯಾ ಮೂಲದ ೩೦ ವರ್ಷದ ಫ್ರೆಂಚ್ ಪರಿಚಾರಕಿ, ಕಫೆಯ ಟೆರೇಸ್ ಮೇಲೆ ಮದ್ಯ ಉಪಚಾರ ಮಾಡುವಾಗ ಬಂದೆರಗಿದ ಇಬ್ಬರು ಪುರುಷರು, ಅವಾಚ್ಯ ಶಬ್ದಗಳಿಂದ ಬೈದು, ಪವಿತ್ರ ತಿಂಗಳಲ್ಲಿ ಮದ್ಯ ಉಪಚಾರ ಮಾಡುವುದಕ್ಕೆ ನಾಚಿಕೆಯಾಗುವುದಿಲ್ಲವೇ ಎಂದು ನಿಂದಿಸಿದ್ದಾರೆ.

ಮುಸ್ಲಿಂ ಸಮುದಾಯದ ವ್ಯಕ್ತಿಯಾಗಿರುವ ಪರಿಚಾರಕಿ ಹೇಳಿರುವಂತೆ ಆ ಇಬ್ಬರು "ನಾವು ದೇವರಾಗಿದ್ದರೆ ನಿನ್ನನ್ನು ನೇಣಿಗೆ ಹಾಕುತ್ತಿದ್ದೆ" ಎಂದು ಕೂಡ ಹೇಳಿದ್ದು ಇದಕ್ಕೆ ಪ್ರತಿಕ್ರಿಯಿಸಿದ ಪರಿಚಾರಕಿ "ನನ್ನನ್ನು ಕಟಕಟೆಗೆ ನಿಲ್ಲಿಸಲು ನೀವು ದೇವರಲ್ಲ" ಎಂದು ಹಿಂತಿರುಗಿ ಹೇಳಿದ್ದಾಗಿ ತಿಳಿಸುತ್ತಾರೆ.

ನಂತರ ಇಬ್ಬರಲ್ಲಿ ಒಬ್ಬ ಮಹಿಳೆಯೆಡೆಗೆ ನುಗ್ಗಿ ಅವರ ಕಪಾಳಕ್ಕೆ ಬಾರಿಸಿ ಬೀಳಿಸಿದ್ದು ಕೂಡ ಕಫೆಯ ಸಿ ಸಿ ಟಿ ವಿಯಲ್ಲಿ ಚಿತ್ರೀಕರಣಗೊಂಡಿದೆ.

ಪರಿಚಾರಕಿ ಪೊಲೀಸ್ ದೂರು ನೀಡಿದ್ದಾರೆ ಎಂದು ತಿಳಿದುಬಂದಿದೆ.