ಢಾಕಾ: ೧೯೭೧ರ ಸ್ವಾತಂತ್ರ್ಯ ಯುದ್ಧದ ಸಮಯದಲ್ಲಿ ಬೆಂಗಾಳಿಗಳ ಮೇಲೆ ದೌರ್ಜನ್ಯವೆಸಗಿದ ಆರೋಪದಲ್ಲಿ ಆಲ್-ಬದರ್ ಮತ್ತು ಜಮಾತ್ ಎ ಇಸ್ಲಾಮಿ ಪಕ್ಷದ ಮಾಜಿ ನಾಯಕ ಮಿರ್ ಕ್ವಾಸೆಮ್ ಅಲಿಗೆ ನೀಡಲಾಗಿದ್ದ ಮಣದಂಡನೆ ಶಿಕ್ಷೆಯನ್ನು ಬಾಂಗ್ಲಾದೇಶದ ಸುಪ್ರೀಂ ಕೋರ್ಟ್ ಎತ್ತಿಹಿಡಿದಿದೆ.

ಆಲ್-ಬದರ್ ಪಶ್ಚಿಮ ಪಾಕಿಸ್ತಾನ ಸೇನೆಯ ಸಾಂವಿಧಾನಿಕ ಪಕ್ಷವಾಗಿತ್ತು ಮತ್ತು ಪೂರ್ವ ಪಾಕಿಸ್ತಾನ (ಈಗಿನ ಬಾಂಗ್ಲಾ ದೇಶದಲ್ಲಿ) ತನ್ನ ಕಾರ್ಯ ನಿರ್ವಹಿಸುತ್ತಿತ್ತು,. ಬಾಂಗ್ಲಾದೇಶದ ಸ್ವಾತಂತ್ರ್ಯ ಯುದ್ಧದ ವೇಳೆಯಲ್ಲಿ ಬೆಂಗಾಳಿ ರಾಷ್ಟ್ರೀಯ ಚಳುವಳಿಯ ಸಮಯಲ್ಲಿ ಈ ಪಕ್ಷದ ನಾಯಕರು ಬೆಂಗಾಳಿಗಳ ಮೇಲೆ ದೌರ್ಜನ್ಯ ಎಸಗಿದ್ದರು.

ಆಲ್-ಬದರ್ ನ ಚಿತ್ತಗಾಂಗ್ ಪ್ರಾದೇಶಿಕ ಕಮ್ಯಾಂಡರ್ ಆಗಿ ಕ್ವಾಸೆಮ್ ಎಸಗಿರುವ ಕ್ರಿಮಿನಲ್ ಅಪರಾಧಗಳನ್ನು ಈ ತೀರ್ಪು ಮತ್ತೆ ತಿಳಿಸಿ ಮರಣದಂಡನೆ ತೀರ್ಪನ್ನು ಎತ್ತಿಹಿಡಿದಿದೆ.

ದೇಶದಾದ್ಯಂತ ಈ ತೀರ್ಪನ್ನು ಸಂಭ್ರಮಿಸಲಾಗಿದ್ದು, ಕೆಲವು ಸ್ಥಳಗಳಲ್ಲಿ ಸಂಭ್ರಮದ ರ್ಯಾಲಿ ಏರ್ಪಡಿಸಲಾಗಿತ್ತು ಎಂದು ತಿಳಿದುಬಂದಿದೆ.