ವಾಷಿಂಗ್ ಟನ್: ಅಮೆರಿಕದಲ್ಲಿ ವ್ಯಾಸಂಗ ಮಾಡುತ್ತಿರುವ ಭಾರತೀಯ ವಿದ್ಯಾರ್ಥಿಗಳನ್ನು ಹೊರಕಳಿಸಬಾರದು, ಭಾರತೀಯ ವಿದ್ಯಾರ್ಥಿಗಳು ಬುದ್ಧಿವಂತರಾಗಿರುವುದರಿಂದ ಅಮೆರಿಕಾದಲ್ಲಿರಲು ಅವಕಾಶ ನೀಡಬೇಕು ಎಂದು ಅಮೆರಿಕ ಅಧ್ಯಕ್ಷೀಯ ಚುನಾವಣೆಯ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.
ಫಾಕ್ಸ್ ನ್ಯೂಸ್ ಗೆ ನೀಡಿದ ಸಂದರ್ಶನದಲ್ಲಿ ತಮ್ಮ ವಲಸೆ ನೀತಿಗಳ ಕುರಿತು ಮಾತನಾಡಿರುವ ಟ್ರಂಪ್, ನಮಗೆ ಇಷ್ಟವಾಗುತ್ತದೋ ಇಲ್ಲವೋ, ಅವರು ಹಣ ಪಾವತಿ ಮಾಡುತ್ತಾರೆ, ನಾವು ಅವರನ್ನು ಓದಿಸುತ್ತೇವೆ, ಅದರಲ್ಲಿ ಭಾರತೀಯ ವಿದ್ಯಾರ್ಥಿಗಳು ಬುದ್ಧಿವಂತರಾಗಿರುತ್ತಾರೆ, ಅಂತಹ ವಿದ್ಯಾರ್ಥಿಗಳು ನಮ್ಮ ದೇಶದಲ್ಲಿರಬೇಕು ಎಂದಿದ್ದಾರೆ ಟ್ರಂಪ್.
ಹಲವು ವರ್ಷಗಳು ನಮ್ಮ ದೇಶದಲ್ಲೇ ಕಾಲೇಜಿನಲ್ಲಿ ಕಲಿತವರನ್ನು ಪದವಿ ಪಡೆದ ನಂತರ ಹೊರಕಳಿಸುವುದು ಸರಿಯಲ್ಲ, ಆದರೆ ಅಮೆರಿಕಾದಲ್ಲಿ ಈಗ ಹಾಗೆಯೇ ಆಗುತ್ತಿದೆ ಎಂದು ಸಂದರ್ಶನದಲ್ಲಿ ಟ್ರಂಪ್ ಹೇಳಿದ್ದಾರೆ. ಅಮೆರಿಕ ನೌಕರರ ಉದ್ಯೋಗಕ್ಕೆ ಮಾರಕವಾಗುತ್ತಿರುವ ವಲಸೆ ಬಂದಿರುವವರ ವಿರುದ್ಧ ನಿಲುವು ಹೊಂದಿದ್ದಕ್ಕೆ ಡೊನಾಲ್ಡ್ ಟ್ರಂಪ್ ಪ್ರಸಿದ್ಧರಾಗಿದ್ದರು. ಆದರೆ ಈಗ ಹೆಚ್-1 ಬಿ ವಲಸೆರಹಿತರ ವೀಸಾದ ಬಗ್ಗೆ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದ್ದು ಅಮೆರಿಕದಲ್ಲಿ ವ್ಯಾಸಂಗ ಮಾಡುತ್ತಿರುವ ಭಾರತೀಯ ವಿದ್ಯಾರ್ಥಿಗಳ ಪರವಾಗಿ ಮಾತನಾಡಿದ್ದಾರೆ.