ಇಸ್ಲಾಮಾಬಾದ್: ಭಾರತದಿಂದ ಹತ್ತಿ ಆಮದು ಮಾಡಿಕೊಳ್ಳುವುದರ ಮೇಲೆ ನಿಷೇಧವೇರಬೇಕು ಎಂದು ಪಾಕಿಸ್ತಾನದ ಸೆನೆಟ್ ಸಮಿತಿ ಹೇಳಿದೆ. 

ರಾಷ್ಟ್ರೀಯ ಆಹಾರ ಭದ್ರತೆ ಮತ್ತು ಸಂಶೋಧನೆಯ ಪಾಕಿಸ್ತಾನದ ಸೆನೆಟ್ ಸಮಿತಿ ಭಾರತದಿಂದ ಹತ್ತಿ ಆಮದು ಮಾಡಿಕೊಳ್ಳುವುದರ ಮೇಲೆ ನಿಷೇಧವೇರಬೇಕು ಎಂದು ಪಾಕಿಸ್ತಾನ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದೆ. 

ಭಾರತದಿಂದ ಹತ್ತಿ ಆಮದು ಮಾಡಿಕೊಳ್ಳುವುದರಿಂದ ದೇಶದ ಆರ್ಥಿಕತೆ ಕುಗ್ಗುತ್ತದೆ. ಅಲ್ಲದೇ, ಪಾಕ್ ನಲ್ಲಿ ಹತ್ತಿ ಉತ್ಪಾದನೆ ಕಡಿಮೆಯಾಗುತ್ತದೆ. ಕಳೆದ ವರ್ಷ ಹತ್ತಿ ಉತ್ಪಾದನೆಯಲ್ಲಿ ಶೇ.30ರಷ್ಟು  ಕುಸಿತಕಂಡಿದೆ. ತಕ್ಷಣ ಕ್ರಮಗಳನ್ನು ಕೈಗೊಳ್ಳದಿದ್ದರೆ, ಹತ್ತೆ ಉತ್ಪಾದನೆ ಮೇಲೆ ಪರಿಣಾಮ ಬೀರುತ್ತದೆ ಎಂದು ಸೆನೆಟ್ ಸಮಿತಿ ಹೇಳಿದೆ. 

ಪಾಕಿಸ್ತಾನದಲ್ಲಿ ಅವಶ್ಯಕತೆಯಷ್ಟು ಹತ್ತಿ ಲಭ್ಯವಿದೆ. ಹಾಗಾಗಿ, ಭಾರತದಿಂದ ಹತ್ತಿ ಆಮದು ಮಾಡಿಕೊಳ್ಳುವುದರ ಮೇಲೆ ನಿಷೇಧವೇರಬೇಕು ಎಂದು ತಿಳಿಸಿದೆ. ವಾಘ ಗಡಿ ಚೆಕ್ ಪೋಸ್ಟ್ ಮೂಲಕ ಭಾರತದಿಂದ ಹತ್ತೆಯನ್ನು ಪಾಕಿಸ್ತಾನ ಆಮದು ಮಾಡಿಕೊಳ್ಳುತ್ತಿತ್ತು.