ಬೀಜಿಂಗ್: 500-1000 ಮುಖಬೆಲೆಯ ನೋಟುಗಳ ರದ್ದು ಪಡಿಸಿರುವ ಪ್ರಧಾನಿ ನರೇಂದ್ರ ಮೋದಿ ಸರ್ಕಾರದ ವಿರುದ್ಧ ವಿಪಕ್ಷಗಳು ತೀವ್ರ ವಾಗ್ದಾಳಿ ನಡೆಸುತ್ತಿದ್ದರೇ ಅತ್ತ ಚೀನಾದ ಸರ್ಕಾರಿ ಮಾಧ್ಯಮವೊಂದು ಮೋದಿ ಅವರನ್ನು ಹಾಡಿ ಹೋಗಳಿದೆ.
ನೋಟು ರದ್ದು ನಿರ್ಧಾರ ನಿಜಕ್ಕೂ ಪ್ರಧಾನಿ ಮೋದಿ ಅವರ ದಿಟ್ಟ ನಡೆ. ಇದು ಯಶಸ್ವಿಯಾಗುತ್ತೋ, ವಿಫಲವಾಗುತ್ತೋ ಪೂರ್ವನಿದರ್ಶನವನ್ನಂತೂ ಸೃಷ್ಟಿ ಮಾಡಲಿದೆ. ಅದರಿಂದ ಭ್ರಷ್ಟಾಚಾರದ ಮೇಲಾಗುವ ಪರಿಣಾಮಗಳ ಕುರಿತಂತೆ ಚೀನಾ ಕೂಡ ಪಾಠ ಕಲಿಯಬೇಕು ಎಂದು ಗ್ಲೋಬಲ್ ಟೈಮ್ಸ್ ಸಂಪಾದಕೀಯ ಹೇಳುತ್ತದೆ.
ಭಾರತದಲ್ಲಿ ಆದಂತೆ ಚೀನಾದಲ್ಲಿ ಕೂಡ 50-100 ಯುವಾನ್ ಮೌಲ್ಯದ ನೋಟುಗಳನ್ನು ನಿಷೇಧಿಸಿದರೆ ಏನಾಗಬಹುದು ಎಂಬುದನ್ನು ಊಹಿಸುವುದು ಕಷ್ಟ ಎಂದು ಪತ್ರಿಕೆ ಹೇಳಿದೆ.