ಸಿಡ್ನಿ: ಆಸ್ಟ್ರೇಲಿಯಾದ ಈಸ್ಟ್ ಕೋಸ್ಟ್ ನಲ್ಲಿರುವ ಜನಪ್ರಿಯ ಥೀಮ್ ಪಾರ್ಕ್ ನಲ್ಲಿ ಸಂಭವಿಸಿದ ಅವಘಡದಿಂದ ನಾಲ್ಕು ಜನ ಮೃತಪಟ್ಟಿದ್ದಾರೆ.
ಡ್ರೀಮ್ ವರ್ಲ್ಡ್ ಥೀಮ್ ಪಾರ್ಕ್ ನ ವಕ್ತಾರ ಮೈಕ್ ಪೀಟರ್ಸನ್ ಈ ವಿಷಯವನ್ನು ಧೃಢೀಕರಿಸಿದ್ದು, ರಿವರ್ ರ್ಯಾಪಿಡ್ ಆಟದ ಸಮಯದಲ್ಲಿ ಇಬ್ಬರು ಪುರುಷರು ಮತ್ತು ಇಬ್ಬರು ಮಹಿಳೆಯರು ಮಂಗಳವಾರ ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ. ಕ್ವೀನ್ಸ್ ಲ್ಯಾಂಡ್ ನ ಗೋಲ್ಡ್ ಕೋಸ್ಟ್ ನಲ್ಲಿರುವ ಈ ಥೀಮ್ ಪಾರ್ಕ್ ನಲ್ಲಿ ನಡೆದಿರುವ ಅವಘಡದ ಹೆಚ್ಚಿನ ವಿವರಗಳು ಲಭ್ಯವಾಗಿಲ್ಲ.
ಈ ಅವಘಡಯಿಂದಾಗಿ ಥೀಮ್ ಪಾರ್ಕ್ ಅನ್ನು ಮುಚ್ಚಲಾಗಿದೆ ಎಂದು ಪೀಟರ್ಸನ್ ಹೇಳಿದ್ದಾರೆ.
ಈ ಅವಘಡದ ಮಾಹಿತಿ ಇನ್ನು ಪೊಲೀಸರಿಗೆ ಸಿಕ್ಕಿಲ್ಲ ಎಂದು ಕ್ವೀನ್ಸ್ ಲ್ಯಾಂಡ್ ಪೊಲೀಸ್ ವಕ್ತಾರ ಕಿರೇನ್ ಸೆಲ್ಫ್ ಹೇಳಿದ್ದಾರೆ.