ಬೀಜಿಂಗ್: ನಿರ್ಮಲಾ ಸೀತಾರಾಮನ್ ಭಾರತ-ಚೀನಾ ಗಡಿ ಪ್ರದೇಶಕ್ಕೆ ಭೇಟಿ ನೀಡಿದ ಬೆನ್ನಲ್ಲೇ ಚೀನಾ ಪ್ರತಿಕ್ರಿಯೆ ನೀಡಿದ್ದು, ಸಿಕ್ಕಿಂ ಭಾಗದ ಭಾರತ-ಚೀನಾ ಗಡಿಯ ಐತಿಹಾಸಿಕ ಸಮಾವೇಶದಲ್ಲಿ ರೂಪಿಸಲಾಗಿದೆ. ಈ ವಾಸ್ತವಾಂಶವನ್ನು ಭಾರತ ಗೌರವಿಸಬೇಕು ಎಂದು ಚೀನಾ ಸಲಹೆ ನೀಡಿದೆ.

ಬ್ರಿಟನ್ ಹಾಗೂ ಚೀನಾ ನಡುವೆ 1890 ರಲ್ಲಿ ನಡೆದಿರುವ ಒಪ್ಪಂದವನ್ನು ಚೀನಾ ಪ್ರಸ್ತಾಪಿಸಿದ್ದು, ಸಿಕ್ಕಿಂ ಭಾಗದ ಭಾರತ-ಚೀನಾ ಗಡಿಯನ್ನು ಐತಿಹಾಸಿನ ಸಮಾವೇಶದಲ್ಲಿ ನಿರ್ಧರಿಸಲಾಗಿದೆ. ನಾಥು ಲಾ ಪಾಸ್ ಇದಕ್ಕೆ ಸ್ಪಷ್ಟ ಉದಾಹರಣೆಯಾಗಿ ನಿಂತಿದೆ ಎಂದು ಚೀನಾದ ವಿದೇಶಾಂಗ ಇಲಾಖೆ ವಕ್ತಾರರು ಹೇಳಿದ್ದಾರೆ. 

ಡೋಕ್ಲಾಮ್ ಮೇಲಿನ ಹಕ್ಕು ಪ್ರತಿಪಾದನೆಗೂ ಚೂನಾ ಇದೇ ಒಪ್ಪಂದವನ್ನು ಹಲವು ಬಾರಿ ಮುಂದಿಟ್ಟಿತ್ತು. ಈಗ ಮತ್ತೊಮ್ಮೆ ಪುರಾತನ ಒಪ್ಪಂದವನ್ನು ಚೀನಾ ಪ್ರಸ್ತಾಪ ಮಾಡಿದೆ.