ಕ್ಸೀ ಜಿನ್ಪಿಂಗ್ ಬಾಲಿವುಡ್ ಸೇರಿದಂತೆ ಭಾರತದ ಅನೇಕ ಪ್ರಾದೇಶಿಕ ಸಿನಿಮಾಗಳನ್ನು ವೀಕ್ಷಿಸಿದ್ದು, ಚೀನಾದಲ್ಲಿ ಭಾರತೀಯ ಸಿನಿಮಾವನ್ನು ಪ್ರೋತ್ಸಾಹಿಸುವುದಾಗಿಯೂ ಭರವಸೆ ನೀಡಿದ್ದಾರೆ ಎಂದು ವಿಜಯ್ ಗೋಖಲೆ ತಿಳಿಸಿದ್ದಾರೆ. 

ಪ್ರಧಾನಿ ನರೇಂದ್ರ ಮೋದಿ-ಚೀನಾ ಅಧ್ಯಕ್ಷ ಕ್ಸೀ ಜಿನ್ ಪಿಂಗ್ ದ್ವಿಪಕ್ಷೀಯ ಮಾತುಕತೆ ವೇಳೆ ಸಿನಿಮಾ ರಂಗವೂ ಸೇರಿದಂತೆ  ಮನರಂಜನೆಯ ಕ್ಷೇತ್ರಗಳಲ್ಲಿ ಚೀನಾ- ಭಾರತದ ಸಹಯೋಗವನ್ನೂ ಮೋದಿ- ಕ್ಸೀ ಜಿನ್ಪಿಂಗ್ ಚರ್ಚಿಸಿದ್ದಾರೆ ಎಂದು ವಿಜಯ್ ಗೋಖಲೆ ಮಾಹಿತಿ ನೀಡಿದ್ದಾರೆ. 

ಸಿನಿಮಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಅಮೀರ್ ಖಾನ್ ಅವರನ್ನು ಚೀನಾ ರಾಯಭಾರಿಯನ್ನಾಗಿಸುವುದರ ಕುರಿತು ವರ್ದಿಗಳು ಪ್ರಕಟವಾದ ಬೆನ್ನಲ್ಲೆ ಈ ಬೆಳವಣಿಗೆ ನಡೆದಿದ್ದು, " ಭಾರತದ ಖ್ಯಾತ ನಟ ಅಮೀರ್ ಖಾನ್ ಅವರು ಚೀನಾದಲ್ಲಿಯೂ ಜನಪ್ರಿಯ ನಟ, ಅವರ ದಂಗಲ್ ಸಿನಿಮಾವನ್ನು ನಾನೂ ಸೇರಿದಂತೆ ಹಲವು ಚೀನಿಯರು ವೀಕ್ಷಿಸಿದ್ದೇವೆ ಎಂದು ಚೀನಾ ವಿದೇಶಾಂಗ ಇಲಾಖೆ ವಕ್ತಾರ ಹುವಾ ಚುನೈಯಿಂಗ್ ಹೇಳಿದ್ದರು.