ಆಸ್ಟಿನ್: ​ಲ್ಯೂಕಾಸ್ ಎಂಬಲ್ಲಿ ಮಹಿಳೆಯೊಬ್ಬಳು ಮಗುವಿಗೆ ಎದೆ ಹಾಲು ಉಣಿಸುವ ವೇಳೆ ಮುಖಕ್ಕೆ ಬಟ್ಟೆ ಮುಚ್ಚಿಕೊಂಡ ಚಿತ್ರ ವೈರಲ್​ ಆಗಿದೆ.

ಮೆಲಾನಿ ಡೂಡ್ಲೇ ಎಂಬವರು ತನ್ನ ಮಗುವಿಗೆ ರೆಸ್ಟೋರೆಂಟ್​ವೊಂದರಲ್ಲಿ ಕುಳಿತು ಸ್ತನ್ಯಪಾನ ಮಾಡುತ್ತಿದ್ದರು. ಈ ವೇಳೆ ದಾರಿಹೋಕನೊಬ್ಬ ಬಟ್ಟೆ ಮುಚ್ಚಿಕೊಳ್ಳುವಂತೆ ಹೇಳಿದ್ದಾನೆ. ಕೂಡಲೇ ತನ್ನ ಎದೆ ಮುಚ್ಚಿಕೊಳ್ಳುವ ಬದಲು ಡೂಡ್ಲೆ ಮುಖವನ್ನೇ ಬಟ್ಟೆಯಲ್ಲಿ ಮುಚ್ಚಿಕೊಂಡಿದ್ದಾರೆ. ಈ ಚಿತ್ರವನ್ನು ಅವರ ಸ್ನೇಹಿತ ಕೆರೋಲ್​ ಲಾಕ್​ವುಡ್​ ಎಂಬವರು ಫೇಸ್​ಬುಕ್​ನಲ್ಲಿ ಶೇರ್ ಮಾಡಿದ್ದಾರೆ.

ಮಗುವಿಗೆ ಎದೆ ಹಾಲು ನೀಡುವ ಸಂದರ್ಭದಲ್ಲಿ ಕಾಣದಂತೆ ಬಟ್ಟೆಯನ್ನು ಧರಿಸಿದ್ದೆ. ಆದರೆ ಬಿಸಿಲಿನ ಬೇಗೆಯಿಂದ ನಾನು ಬಟ್ಟೆಯನ್ನು ಸರಿಸಿ ಹಾಲುಣಿಸುತ್ತಿದ್ದೆ. ಈ ವೇಳೆ ದಾರಿಹೋಕನೊಬ್ಬ ಬಟ್ಟೆಯಿಂದ ಮುಚ್ಚಿಕೊಳ್ಳುವಂತೆ ಹೇಳಿದ ಎಂದು ಡೂಡ್ಲೆ ಹೇಳಿದ್ದಾರೆ.

ಕೆಲ ಕ್ಷಣಗಳ ಕಾಲ ನನಗೆ ಏನು ಮಾಡಬೇಕೆಂಬುದೇ ತಿಳಿಯಲಿಲ್ಲ, ಕೂಡಲೇ ಆ ಬಟ್ಟೆಯೊಂದರಿಂದ ನನ್ನ ಮುಖವನ್ನೇ ಮುಚ್ಚಿಕೊಂಡೆ ಎಂದು ಡೂಡ್ಲೇ ವಿವರಿಸಿದ್ದಾರೆ.