ಬರ್ಲಿನ್: ಸುರಕ್ಷತೆ ದೃಷ್ಟಿಯಿಂದ ಲೈಂಕಿಗ ಕ್ರಿಯೆ ನಡೆಸುವಾಗ ಕಾಂಡೋಮ್ ಬಳಸುವುದು ಉತ್ತಮ. ಆದರೆ ಇಲ್ಲಿ ಪೊಲೀಸ್ ಅಧಿಕಾರಿಯೊಬ್ಬ ಸೆಕ್ಸ್ ವೇಳೆ ತನ್ನ ಪ್ರೇಯಸಿಗೆ ತಿಳಿಯದಂತೆ ಕಾಂಡೋಮ್ ಬಿಚ್ಚಿಟ್ಟದ್ದರಿಂದ ಜೈಲು ಶಿಕ್ಷೆಗೆ ಗುರಿಯಾಗಿ ದಂಡ ಸಹ ಕಟ್ಟಬೇಕಿದೆ.
ಪ್ರೇಯಸಿಗೆ ತಿಳಿಯದಂತೆ ತಿಳಿಯದಂತೆ ಕಾಂಡೋಮ್ ಬಿಚ್ಚಿಟ್ಟ ಪ್ರಕರಣ ಕುರಿತಂತೆ ನ್ಯಾಯಾಲಯದಲ್ಲಿ ಆತನ ಆರೋಪ ಸಾಬೀತಾಗಿದ್ದು ಕೋರ್ಟ್ ಆತನಿಗೆ 8 ತಿಂಗಳ ಜೈಲು ಶಿಕ್ಷೆ ಹಾಗೂ 3 ಸಾವಿರ ಯೂರೋ(ಅಂದಾಜು 2.39 ಲಕ್ಷ ರು.) ದಂಡವನ್ನು ವಿಧಿಸಿದೆ. ಅಲ್ಲದೆ 96 ಯುರೋಗಳನ್ನು(ಅಂದಾಜು 7500 ರು.) ಮಹಿಳೆಯ ಆರೋಗ್ಯ ಪರೀಕ್ಷೆಗೆ ಪಾವತಿ ಮಾಡುವಂತೆ ಸೂಚಿಸಿದೆ.
ಇನ್ನು ಜರ್ಮನ್ ನಲ್ಲಿ ಇದೇ ಮೊದಲ ಬಾರಿಗೆ ಇಂತಹ ಪ್ರಕರಣ ದಾಖಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿದ್ದು ಇಂತಹದ್ದೆ 2 ಪ್ರಕರಣಗಳು ಈ ಹಿಂದೆ ಸ್ವಿಜರ್ಲೆಂಡ್ ಹಾಗೂ ಕೆನಡಾದಲ್ಲಿ ವರದಿಯಾಗಿತ್ತು.