ವಿಶ್ವಸಂಸ್ಥೆ: ಕೋವಿಡ್-19 ನ್ನು ಸಾಂಕ್ರಾಮಿಕ ರೋಗ ಎಂದು ಮಾರ್ಚ್ ನಲ್ಲಿ ಘೋಷಣೆ ಮಾಡಿದ ಬಳಿಕ ಭಾರತದಲ್ಲಿ ಅತಿ ಹೆಚ್ಚು ಮಕ್ಕಳ ಜನನವಾಗುವ ನಿರೀಕ್ಷೆ ಇದೆ.
ವಿಶ್ವಸಂಸ್ಥೆಯ ಭಾಗವಾಗಿರುವ ವಿಶ್ವ ಸಂಸ್ಥೆಯ ಮಕ್ಕಳ ನಿಧಿ (ಯುನಿಸೆಫ್) ಯ ಪ್ರಕಾರ ಕೊರೋನಾ ಸಾಂಕ್ರಾಮಿಕ ರೋಗವೆಂದು ಘೋಷಿಸಿದ ಬಳಿಕ ಮಾರ್ಚ್ ನಿಂದ ಡಿಸೆಂಬರ್ ವರೆಗೆ 20 ಮಿಲಿಯನ್ ಮಕ್ಕಳು ಜನಿಸಲಿವೆ ಎಂದು ಹೇಳಿದೆ.
116 ಮಿಲಿಯನ್ ಮಕ್ಕಳು ಕೋವಿಡ್-19 ಸಾಂಕ್ರಾಮಿಕ ರೋಗದ ಕರಿಛಾಯೆಯ ನಡುವೆಯೇ ಜನ್ಮಿಸಲಿವೆ ಎಂದು ವಿಶ್ವ ತಾಯಂದಿರ ದಿನವಾದ ಮೇ.10 ಕ್ಕೂ ಮುನ್ನ ವಿಶ್ವ ಸಂಸ್ಥೆಯ ಮಕ್ಕಳ ನಿಧಿ ಹೇಳಿದೆ.
9 ತಿಂಗಳ ಅವಧಿಯಲ್ಲಿ ಅತಿ ಹೆಚ್ಚು ಪ್ರಮಾಣದ ಜನನ ಇದಾಗಿರಲಿದೆ ಎಂದು ವಿಶ್ವಸಂಸ್ಥೆ ತಿಳಿಸಿದೆ. ಚೀನಾದಲ್ಲಿ 13.5 ಮಿಲಿಯನ್ ಮಕ್ಕಳು, ನೈಜೀರಿಯಾದಲ್ಲಿ 6.4 ಮಿಲಿಯನ್ ಮಕ್ಕಳು ಪಾಕಿಸ್ತಾನದಲ್ಲಿ 5 ಮಿಲಿಯನ್ ಮಕ್ಕಳು, ಇಂಡೋನೇಷ್ಯಾದಲ್ಲಿ 4 ಮಿಲಿಯನ್ ಮಕ್ಕಳು ಜನಿಸಲಿವೆ ಎಂದು ವಿಶ್ವಸಂಸ್ಥೆ ಹೇಳಿದೆ.