ವಾಷಿಂಗ್ಟನ್‍ : ಚೀನಾದಲ್ಲಿ ಯುಗುರ್ಸ್ ಮತ್ತು ಇತರ ಮುಸ್ಲೀಂ ಸಮುದಾಯ ಗುಂಪುಗಳ ಮೇಲಿನ ಮಾನವ ಹಕ್ಕುಗಳ ಉಲ್ಲಂಘನೆಗೆ ಚೀನಾ ಕಮ್ಯುನಿಸ್ಟ್ ಪಕ್ಷವನ್ನು ಹೊಣೆಯಾಗಿ ಮಾಡುವ ಮಸೂದೆಯನ್ನು ಅಮೆರಿಕ ಸಂಸತ್‍ ಶುಕ್ರವಾರ ಅಂಗೀಕರಿಸಿದೆ.
ಈ ಕ್ರಮವನ್ನು ಸರ್ವಾನುಮತದಿಂದ ಸೆನೆಟ್‍ ಅಂಗೀಕರಿಸಿದ್ದು, ಇದನ್ನು ಅಂಗೀಕಾರಕ್ಕೆ ಹೌಸ್‍ ಆಫ್‍ ರೆಪ್ರಸೆಂಟಿಟೀವ್ಸ್‍ ಗೆ ಕಳುಹಿಸಲಾಗುತ್ತದೆ.
ಚೀನಾ ನಗರವಾದ ಕ್ಸಿನ್‍ಜಿಯಾಂಗ್‍ ನಲ್ಲಿ ಅಲ್ಪಸಂಖ್ಯಾತ ಟರ್ಕಿ ಮುಸ್ಲೀಮರ ಮಾನವಹಕ್ಕುಗಳು ಉಲ್ಲಂಘನೆಯಾಗುತ್ತಿರುವುದಕ್ಕೆ ಸೆನೆಟ್‍ ತೀವ್ರವಾಗಿ ಖಂಡಿಸಿದ್ದು, ಚೀನಾದ ಒಳಗೆ ಮತ್ತು ಹೊರಗೆ ಈ ಸಮುದಾಯಗಳ ಮೇಲಿನ ದೌರ್ಜನ್ಯ ಮತ್ತು ಬಂಧನವನ್ನು ಕೊನೆಗಾಣಿಸಬೇಕು ಎಂದು ಸೆನೆಟ್‍ ಚೀನಾವನ್ನು ಆಗ್ರಹಿಸಿದೆ.