ಕಾಬೂಲ್: ಅಫ್ಘಾನಿಸ್ತಾನದ ಉಪಾಧ್ಯಕ್ಷ ಅಮ್ರುಲ್ಲಾ ಸಲೇಹ್ ಅವರ ಬೆಂಗಾವಲು ಪಡೆಯನ್ನು ಗುರಿಯಾಗಿಸಿಕೊಂಡು ರಸ್ತೆಬದಿಯಲ್ಲಿ ಇರಿಸಲಾಗಿದ್ದ ಬಾಂಬ್ ಸ್ಫೋಟಿಸಲಾಗಿದ್ದು, ಘಟನೆಯಲ್ಲಿ ಕನಿಷ್ಠ 10 ಮಂದಿ ಸಾವನ್ನಪ್ಪಿದ್ದು, ಇತರ 15 ಮಂದಿ ಗಾಯಗೊಂಡಿದ್ದಾರೆ.
ಉಪಾಧ್ಯಕ್ಷ ಸಲೇಹ್ ತನ್ನ ಹದಿಹರೆಯದ ಮಗನೊಂದಿಗೆ ಬಾಂಬ್ ನಿರೋಧಕ ವಾಹನದಲ್ಲಿದ್ದರಿಂದ ಯಾವುದೇ ತೊಂದರೆಗೊಳಗಾದೆ ಪಾರಾಗಿದ್ದಾರೆ.
ಈ ವಿಷಯವನ್ನು ಸಲೇಹ್ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಪೋಸ್ಟ್ ಮಾಡಿ ದೃಢಪಡಿಸಿದ್ದಾರೆ.
‘ಭಯೋತ್ಪಾದಕರ ಹೀನ ಕೃತ್ಯದ ಪ್ರಯತ್ನ ವಿಫಲವಾಗಿದೆ. ಕಾಬೂಲ್ನಲ್ಲಿ ನಡೆದ ಬಾಂಬ್ ಸ್ಫೋಟದಿಂದ ಸಲೇಹ್ ಬದುಕುಳಿದ್ದಾರೆ.’ ಎಂದು ಸಲೇಹ್ ಅವರ ವಕ್ತಾರ ರಜ್ವಾನ್ ಮುರಾದ್ ಹೆಚ್ಚಿನ ವಿವರಗಳನ್ನು ನೀಡದೆ ಮಾಹಿತಿ ನೀಡಿದ್ದಾರೆ ಎಂದು ಅರಿಯಾನಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.