ಪೇಷಾವರ್: ದಿವಂಗತ ನಟ ದಿಲೀಪ್ ಕುಮಾರ್ ಬಗ್ಗೆ ಪಾಕಿಸ್ತಾನದಲ್ಲಿ ಸೆನೆಟರ್ ಆಗಿರುವ ಅವರ ಸೋದರ ಸಂಬಂಧಿ ಮೊಹ್ಸೀನ್ ಅಜೀಜ್ ಮಾತನಾಡಿದ್ದು ದಿಲೀಪ್ ಕುಮಾರ್ ಪ್ರತಿಷ್ಠಾನವೂ ಹೌದು ಎಂದು ಹೇಳಿದ್ದಾರೆ.
ದಿಲೀಪ್ ಕುಮಾರ್ ಅವರಂತಹ ವ್ಯಕ್ತಿಗಳು ಶತಮಾನಕ್ಕೆ ಒಬ್ಬರು ಎಂದು ಸಂತಾಪ ಸಂದೇಶದಲ್ಲಿ ಮೊಹ್ಸೀನ್ ಅಜೀಜ್ ತಿಳಿಸಿದ್ದಾರೆ.
1922 ರ ಡಿಸೆಂಬರ್ 11 ರಂದು ಖೈಬರ್ ಪಖ್ತುನ್ಖ್ವಾ ಪ್ರಾಂತ್ಯದಲ್ಲಿ ಜನಿಸಿದ್ದ ದಿಲೀಪ್ ಕುಮಾರ್, ದೀರ್ಘಾವಧಿಯ ಅನಾರೋಗ್ಯದಿಂದ ಕಳೆದ ವಾರ ಮುಂಬೈ ನ ಆಸ್ಪತ್ರೆಯಲ್ಲಿ ನಿಧನರಾದರು.
"ದಿಲೀಪ್ ಕುಮಾರ್ ಅವರಂತಹ ವ್ಯಕ್ತಿಗಳು ಶತಮಾನಕ್ಕೆ ಒಬ್ಬರಾಗಿರುತ್ತಾರೆ, ಅವರು ಕೇವಲ ನಟರಷ್ಟೇ ಅಲ್ಲ, ಪ್ರತಿಷ್ಠಾನವೂ ಹೌದು, ಅವರ ಕಠಿಣ ಪರಿಶ್ರಮದ ಮೂಲಕ ಲಕ್ಷಾಂತರ ಮಂದಿಯ ಹೃದಯ ಗೆದ್ದಿದ್ದಾರೆ ಎಂದು ಪಾಕಿಸ್ತಾನ್ ತೆಹ್ರೀಕ್-ಎ-ಇನ್ಸಾಫ್ ಪಕ್ಷದ ನಾಯಕ ಅಜೀಜ್ ಹೇಳಿದ್ದಾರೆ.
1998 ರಲ್ಲಿ ದಿಲೀಪ್ ಕುಮಾರ್ ಅವರಿಗೆ ಪಾಕಿಸ್ತಾನ ಸರ್ಕಾರ ದೇಶದ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ನಿಶಾನ್-ಎ-ಇಮ್ತಿಯಾಜ್ ಪ್ರಶಸ್ತಿಯನ್ನು ನೀಡಿ ಗೌರವಿಸಿತ್ತು.