ನವದೆಹಲಿ: ಡೀಪ್ಫೇಕ್ ತಂತ್ರಜ್ಞಾನದ ಅಪಾಯವನ್ನು ಎತ್ತಿ ತೋರಿಸುವ ನಡೆಯಲ್ಲಿ, ನ್ಯೂಜಿಲೆಂಡ್ ಸಂಸತ್ ಸದಸ್ಯೆ ಲಾರಾ ಮೆಕ್ಕ್ಲೂರ್ ಅವರು ಸಂಸತ್ತಿನ ಅಧಿವೇಶನದಲ್ಲಿ ತಮ್ಮ AI-ರಚಿತ ನಗ್ನ ಚಿತ್ರವನ್ನು ಪ್ರದರ್ಶಿಸಿದರು.
ಸುಲಭವಾಗಿ ಲಭ್ಯವಿರುವ ಆನ್ಲೈನ್ ಪರಿಕರಗಳನ್ನು ಬಳಸಿಕೊಂಡು ಐದು ನಿಮಿಷಗಳಿಗಿಂತ ಕಡಿಮೆ ಅವಧಿಯಲ್ಲಿ ಈ ಚಿತ್ರವನ್ನು ರಚಿಸಲಾಗಿದೆ ಎಂದು ಸಂಸದೆ ಹೇಳಿದರು.
ಈ ಚಿತ್ರವು ನನ್ನ ಬೆತ್ತಲೆ ಚಿತ್ರ, ಆದರೆ ಅದು ನಿಜವಲ್ಲ ಎಂದು ಮೆಕ್ಕ್ಲೂರ್ ಹೇಳಿದರು, ಅಂತಹ ಮನವೊಪ್ಪಿಸುವ ನಕಲಿ ಚಿತ್ರಗಳನ್ನು ಎಷ್ಟು ಸುಲಭವಾಗಿ ತಯಾರಿಸಬಹುದು ಎಂದು ತಿಳಿಸಿದರು. ಚಿತ್ರವು ಕಟ್ಟುಕಥೆ ಎಂದು ತಿಳಿದಿದ್ದರೂ ಸಹ ಮಾನಸಿಕ ಪರಿಣಾಮವನ್ನು ಗಮನಿಸಿ ತಮ್ಮ ಅನುಭವವನ್ನು "ಸಂಪೂರ್ಣವಾಗಿ ಭಯಾನಕ" ಎಂದು ವಿವರಿಸಿದರು.
ಮೆಕ್ಕ್ಲೂರ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಚಿತ್ರವನ್ನು ಹಂಚಿಕೊಂಡರು. ಇಂದು ಸಂಸತ್ತಿನಲ್ಲಿ, ಇವುಗಳನ್ನು ರಚಿಸುವುದು ಎಷ್ಟು ನೈಜ ಮತ್ತು ಸುಲಭ ಎಂಬುದನ್ನು ತೋರಿಸಲು ನಾನು ನನ್ನ AI-ರಚಿತ ನಗ್ನ ಡೀಪ್ಫೇಕ್ ಅನ್ನು ತೋರಿಸಿದೆ. ಸಮಸ್ಯೆ ತಂತ್ರಜ್ಞಾನವಲ್ಲ, ಆದರೆ ಜನರನ್ನು ನಿಂದಿಸಲು ಅದನ್ನು ಹೇಗೆ ದುರುಪಯೋಗಪಡಿಸಿಕೊಳ್ಳಲಾಗುತ್ತಿದೆ. ನಮ್ಮ ಕಾನೂನುಗಳನ್ನು ನಿಭಾಯಿಸಬೇಕಾಗಿದೆ ಎಂದರು.
ವರ್ಚುವಲ್ ಜಗತ್ತಿನಲ್ಲಿ ಬಹಳ ಸುಲಭವಾಗಿ ಈಗ ಎಐ ಟೂಲ್ಗಳನ್ನು ಬಳಸಿಕೊಂಡು ಡೀಪ್ಫೇಕ್ ಫೋಟೋಗಳನ್ನು ಸೃಷ್ಟಿಸಬಹುದಾಗಿದೆ. ಯಾವುದೇ ಅಡೆತಡೆಯೂ ಇಲ್ಲದೇ, ಲಾಗಿನ್ ಆಗಬೇಕಾದ ನಿಯಮವೂ ಇಲ್ಲದೇ, ಇ-ಮೇಲ್ ಐಡಿಯನ್ನೂ ಕೇಳದೆ, ವಯಸ್ಸಿನ ಬಗ್ಗೆಯೂ ಪ್ರಶ್ನಿಸದೆಯೇ ಬಹಳಷ್ಟು ವೆಬ್ಸೈಟ್ಗಳು ಕೆಲವೇ ನಿಮಿಷಗಳಲ್ಲಿ ಯಾರದ್ದೇ ಫೋಟೋವನ್ನು ನಗ್ನಗೊಳಿಸಿ ಕೊಡುತ್ತವೆ.
ಸಾಮಾನ್ಯವಾದ ಗೂಗಲ್ ಸರ್ಚ್ ಮಾಡಿದ್ರೆ ದಂಡಿಯಾಗಿ ಅಂಥ ವೆಬ್ಸೈಟ್ಗಳು ಕಾಣಿಸಿಕೊಳ್ಳುತ್ತವೆ. ಇವುಗಳಿಗೆ ಯಾವುದೇ ನಿರ್ಬಂಧವೂ ಇಲ್ಲ, ಕಾನೂನು ನಿಯಮಗಳೂ ಇಲ್ಲ! ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಬೇಕು ಹಾಗೂ ಸೂಕ್ತ ಕಾನೂನನ್ನು ರೂಪಿಸಬೇಕೆಂದು ನ್ಯೂಜಿಲೆಂಡ್ನ ಸಂಸದೆ ಲಾರಾ ಮ್ಯಾಕ್ಲರ್ ಆಗ್ರಹಿಸಿದ್ದಾರೆ.
ಡೀಫ್ಫೇಕ್ ಬಳಸಿ ಹುಡುಗಿಯರು, ಮಹಿಳೆಯರ ಚಿತ್ರಗಳನ್ನು ನಗ್ನವಾಗಿ, ಅರೆನಗ್ನವಾಗಿರುವಂತೆ ಮಾಡಿ ಸೋಶಿಯಲ್ ಮೀಡಿಯಾಗಳಲ್ಲಿ ಹರಿಬಿಡುವ ದುಷ್ಕೃತ್ಯಗಳೂ ಆಗ್ತಿವೆ. ಅಂಥದ್ದನ್ನು ತಡೆಯಬೇಕಾದರೆ ಕಠಿಣವಾದ ಕಾನೂನು ಕೂಡ ತರಬೇಕು ಅನ್ನೋದು ಆಕ್ಟ್ ಪಾರ್ಟಿಯ ಸಂಸದೆ ಲಾರಾ ಮ್ಯಾಕ್ಲರ್ ವಾದ.