ಮುಂಬೈ: ಉಚಿತ ಇಂಟರ್ ನೆಟ್ ಹಾಗೂ ಕರೆಗಳನ್ನು ನೀಡುವ ಮೂಲಕ ಟೆಲಿಕಾಂ ಕ್ಷೇತ್ರದಲ್ಲಿ ಭಾರೀ ಸಂಚಲನ ಮೂಡಿಸಿದ್ದ ರಿಲಯನ್ಸ್ ಜಿಯೋ ಕಂಪನಿಯ ಲಾಭ, ನಷ್ಟಗಳ ವಿವರಗಳನ್ನು ಮುಕೇಶ್ ಅಂಬಾನಿ ಬಹಿರಂಗಪಡಿಸಿದ್ದಾರೆ.
ತೆರಿಗೆ ಹಾಗೂ ಬಡ್ಡಿ ದರಗಳನ್ನು ಹೊರತಪಡಿಸಿದರೆ ರಿಲಾಯನ್ಸ್ ಜಿಯೋ ಇನ್ಫೋಕಾಂ ಲಿಮಿಟೆಡ್ ನ ಜಿಯೋ ಸಂಸ್ಧೆ 260 ಕೋಟಿ ರುಪಾಯಿ ಲಾಭ ಗಳಿಸಿದೆ. ಆದರೆ ಒಟ್ಟಾರೆ ಆದಾಯವನ್ನು ಪರಿಗಣಿಸಿದಾಗ 271 ಕೋಟಿ ರುಪಾಯಿ ನಷ್ಟ ಅನುಭವಿಸಿದೆ ಎಂದು ಮುಕೇಶ್ ಅಂಬಾನಿ ಹೇಳಿದ್ದಾರೆ.
ಭಾರತದ ಅತ್ಯಂತ ಶ್ರೀಮಂತ ಉದ್ಯಮಿ ಮುಕೇಶ್ ಅಂಬಾನಿ ಅವರು ಇದೇ ಮೊದಲ ಬಾರಿಗೆ ಕಂಪನಿಯ ಆದಾಯಗಳನ್ನು ಸಾರ್ವಜನಿಕರೆದುರು ಬಿಚ್ಚಿಟ್ಟಿದ್ದು ಜಿಯೋ ಒಟ್ಟು 6,150 ಕೋಟಿ ರುಪಾಯಿ ಆದಾಯ ಗಳಿಸಿದೆ ಎಂದಿದ್ದಾರೆ.
ಇನ್ನು ಜಿಯೋ ಪ್ರಥಮ ವರ್ಷದಲ್ಲಿ 138,6 ಲಕ್ಷ ಗ್ರಾಹಕರನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡಿದೆ. ಉಚಿತ ಆಫರ್ ಗಳ ಮೂಲಕ ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಿದ್ದ ಜಿಯೋ ಇತರೆ ಸಂಸ್ಥೆಗಳು ತಮ್ಮ ದರಗಳಲ್ಲಿ ಕಡಿತಗೊಳಿಸುವಂತಹ ಪರಿಸ್ಥಿತಿ ಸೃಷ್ಟಿಸಿತ್ತು.
