ಕೋಸ್ಟಲ್ ಪ್ರೊಟೆಕ್ಷನ್ ಹಾಗೂ ಮ್ಯಾನೇಜ್ಮೆಂಟ್ ಇನ್ವೆಸ್ಟ್ಮೆಂಟ್ ಪ್ರೋಗ್ರಾಮ್ ಗಾಗಿ ಮಂಜೂರು ಮಾಡಲಾಗುವ 250 ಮಿಲಿಯನ್ ಡಾಲರ್ ನ 2 ನೇ ಕಂತು ಇದಾಗಿದೆ ಎಂದು ಎಡಿಬಿ ಹೇಳಿಕೆ ನೀಡಿದೆ. ಕರಾವಳಿ ಪ್ರದೇಶದ ರಕ್ಷಣೆಗೆ ಅಗತ್ಯವಿರುವ ಕ್ರಮಗಳಿಗೆ ಆರ್ಥಿಕ ನೆರವು ಸಿಗಲಿದ್ದು ಕರ್ನಾಟಕದ ಲೋಕೋಪಯೋಗಿ, ಬಂದರು ಹಾಗೂ ಜಲಸಾರಿಗೆ ಇಲಾಖೆಯ ಸಾಂಸ್ಥಿಕ ಸಾಮರ್ಥ್ಯವನ್ನು ಹೆಚ್ಚಿಸಲು ನೆರವಾಗಲಿದೆ. ಎಡಿಬಿಯ ಪ್ರಾದೇಶಿಕ ನಿರ್ದೇಶಕ ಕೆನಿಚಿ ಯೋಕೋಯಾಮಾ, ಹಾಗೂ ಬಹುಪಕ್ಷೀಯ ಸಂಸ್ಥೆಗಳ ಜಂಟಿ ನಿರ್ದೇಶಕ ಸಮೀರ್ ಕುಮಾರ್ ಖರೆ ಅವರು ಒಪ್ಪಂದಕ್ಕೆ ಸಹಿಹಾಕಿದ್ದಾರೆ.