ವೈ ಒ ವೈ (year-on-year) ಆಧಾರದ ಅನ್ವಯ ತಜ್ಞರು ಇಂತಹುದೊಂದು ವರದಿ ನೀಡಿದ್ದು, ಆರ್ಥಿಕ ಅಭಿವೃದ್ಧಿಯ ಮಾರುಕಟ್ಟೆ ಮೌಲ್ಯ 7.4ಕ್ಕೆ ಏರಿಕೆಯಾಗಲಿದೆ ಎಂದು ಎನ್ ಸಿಎಇಆರ್ ತನ್ನ ತ್ರೈಮಾಸಿಕ ವರದಿಯಲ್ಲಿ ಉಲ್ಲೇಖ ಮಾಡಿದೆ. ಉಳಿದಂತೆ ರಫ್ತು ಮತ್ತು ಆಮದು ದರದಲ್ಲಿ ಕೊಂಚ ಏರಿಳಿತವಾಗಲಿದ್ದು, ರಫ್ತು ದರ 11.9ರಷ್ಟಾಗಿದ್ದರೆ, ಆಮದು ದರ 15.1ರಷ್ಟಾಗಲಿದೆ. ವರದಿಯಲ್ಲಿ ಗಮನಿಸಬೇಕಾದ ಪ್ರಮುಖ ಅಂಶವೆಂದರೆ 2018-19ನೇ ವಿತ್ತೀಯ ವರ್ಷದಲ್ಲಿ ರಫ್ತು ದರ ಶೇ.18ಕ್ಕೆ ಏರಿಕೆಯಾಗಿದ್ದರೆ, ಅಮದು ದರ 15.1ಕ್ಕೆ ಕುಸಿತವಾಗಿದೆ. ಇದು ಆರ್ಥಿಕತೆಯ ಅರೋಗ್ಯಕರ ಅಂಶ ಎಂದು ತಜ್ಞರು ಬಣ್ಣಿಸಿದ್ದಾರೆ.