ಐಸಿಐಸಿಐ ಬ್ಯಾಂಕು ಸಿಇಓ ಚಂದಾ ಕೊಚ್ಚರ್ ವಿರುದ್ದದ ಆರೋಪದ ಬಗ್ಗೆ ತನಿಖೆ
ಮುಂಬೈ: ಐಸಿಐಸಿಐ ಬ್ಯಾಂಕಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಚಂದಾ ಕೊಚ್ಚರ್ ವಿರುದ್ಧ ಕೇಳಿಬಂದಿರುವ ಆರೋಪ ಕುರಿತಂತೆ ತನಿಖೆ ನಡೆಸಲಾಗುವುದು ಎಂದು ಬ್ಯಾಂಕ್ ಹೇಳಿದೆ.
ಐಸಿಐಸಿಐ, ಭಾರತದ ಮೂರನೇ ಅತಿ ದೊಡ್ಡ ಸಾಲದಾತ ಬ್ಯಾಂಕ್ ಆಗಿದ್ದು, ಸ್ವತಂತ್ರ ವ್ಯಕ್ತಿಯಿಂದ ತನಿಖೆ ನಡೆಸಲಾಗುವುದು, ಬ್ಯಾಂಕಿನ ಮುಖ್ಯ ಕಾರ್ಯನಿರ್ವಾಹಕರು ಬ್ಯಾಂಕಿನ ನೀತಿ ಸಂಹಿತೆಗೆ ಸಂಬಂಧಿಸಿದ ನಿಬಂಧನೆಗಳನ್ನು ಅನುಸರಿಸಿಲ್ಲವೇ ಅಥವಾ ಹಿತ ಸಂಘರ್ಘದಿಂದ ಕ್ರಮ ಕೈಗೊಂಡಿದ್ದಾರೆಯೇ ಎಂಬ ಬಗ್ಗೆ ಪರಿಶೀಲನೆ ನಡೆಸಲಾಗುವುದು ಎಂದು ಬ್ಯಾಂಕು ತಿಳಿಸಿದೆ.
ಚಂದಾ ಕೊಚ್ಚರ್ ಪತಿ ಸ್ಥಾಪಕರಾಗಿರುವ ನವೀಕರಿಸಬಹುದಾದ ಇಂಧನ ಕಂಪನಿಯಲ್ಲಿ ವಿಡಿಯೋಕಾನ್ ಕಂಪನಿ ಹೂಡಿಕೆ ಮಾಡಿದ್ದು, ಚಂದಾ ಕೊಚ್ಚರ್ ವಿಡಿಯೋ ಕಾನ್ ಕಂಪನಿಗೆ ಬ್ಯಾಂಕ್ ನಿಯಮಗಳನ್ನು ಉಲ್ಲಂಘಿಸಿ ಸಾಲ ನೀಡಿದ್ದಾರೆ ಎಂಬಂತಹ ಆರೋಪ ಕೇಳಿಬಂದಿದೆ.
ಬ್ಯಾಂಕ್ ಕೊಚ್ಚರ್ ಬೆಂಬಲಿತವಾಗಿದ್ದು, ತನ್ನ ವಿರುದ್ಧದ ವದಂತಿಗಳು "ದುರುದ್ದೇಶಪೂರಿತ ಮತ್ತು ಆಧಾರರಹಿತವಾಗಿವೆ" ಎಂದು ತಿಳಿಸಿದೆ.